టీఆర్ఎస్ ఎమ్మెల్యే వీడియో వైరల్…. చిన్నపిల్లతో..!

టీఆరెస్ ఎమ్మెల్యే మాజీ ఉప ముఖ్యమంత్రి తాటికొండ రాజయ్యకు మెమో చిక్కెదురైంది. స్టేషన్ ఘన్పూర్ ఎమ్మెల్యే అయిన రాజయ్య జనగాం జిల్లాలోని చెల్పూర్ జిల్లా పరిషత్ పాఠశాలలో జరిగిన ఒక కార్యక్రమంకు వెళ్లి అడ్డంగా బుక్కయ్యారు. అదేంటి ? కార్యక్రమంకు వెళ్లి బుక్కవడం ఏంటి? అనుకుంటున్నారా... అక్కడే ఉంది అసలు మ్యాటర్. ఫంక్షన్ కు వెళ్లిన ఆయన పదో తరగతి అమ్మాయి గోరుముద్దలు పెడుతుంటే...హాయిగా తింటూ ఫోటోలకు పోజిస్తున్న వీడియో ఇప్పుడు వైరల్ అయింది. ఇది చూసిన నెటిజన్లు ఆయన్ను వేసుకుంటున్నారు. ఆ వీడియోలో ఆ అమ్మాయి అన్నం కూరలు ప్లేట్ లో పెట్టుకోని వచ్చి..కలిపి ఆయనకు గోరుముద్దలు పెడుతుంటే...పక్కన ఒక బాలుడు వాటర్ బాటిల్ పట్టుకోని నిలబడ్డాడు. ఈ వీడియో చూసిన ప్రజలు...కాళ్ళు, చేతులు బాగానే ఉన్నాయిగా నువ్వు తినలేవా అంటూ మండిపడుతున్నారు. దీంతో చేసేదేంలేకా రాజయ్య ఈ ఘటనపై స్పందిచారు. 'సోషల్ మీడియాలో అనవసరంగా తప్పుడు ప్రచారం చేస్తున్నారు. నేను ఆ పాటశాలకు తరుచు వెళ్తుంటాను. ఆమె నా కూతురు లాంటిది. అంకుల్ నేనే మీకు తినిపిస్తా అంటూ గోరుముద్దలు పెట్టిందని' వివరణ ఇచ్చారు.