రవితేజ సినిమాలో ‘అప్సర’…హిట్ కోసం తెగ ప్రయత్నాలు చేస్తున్న మాస్ మహారాజ

టాలీవుడ్ నటుడు రవితేజ బాక్సాఫీస్ వద్ద హిట్ సాధించడానికి తీవ్రంగా ప్రయత్నిస్తున్నారు. రవి తేజ రాబోయే చిత్రం ‘క్రాక్’ ప్రారంభం నుంచీ వార్తల్లో నిలించింది. అయితే సినీ సిర్కిల్స్ లో వినిపిస్తున్న తాజా సమాచారం ప్రకారం, ఈ సినిమాలో గ్లామర్ డోస్ పెంచేందుకు ఓ ముద్దుగుమ్మను రంగంలోకి దింపారు. ఆమె మరెవరో కాదు, ‘డేంజరస్’ చిత్రంతో తెలుగు ప్రేక్షకులకు పరిచయమైన అప్సర రాణి, రవితేజ కాప్ థ్రిల్లర్‌లో స్పెషల్ సాంగ్ లో కనిపించనున్నారు. గోపిచంద్ మలినేని దర్శకత్వం వహిస్తున్న ఈ సినిమాలో స్పెషల్ సాంగ్ చేయమని అప్సర రాణిను డైరెక్టర్ గోపిచంద్ అడగగానే ఆమె గ్రీన్ సిగ్నల్ ఇచ్చిందట. ఈ ఐటెమ్ సాంగ్ కు జానీ మాస్టర్ కంపోజ్ చేస్తున్నారు. కరోనా లాక్డౌన్ కారణంగా షూటింగ్ కు బ్రేక్ ఇచ్చిన క్రాక్ టీం మొన్నీమధ్యే మళ్ళీ తిరిగి ప్రారంభించారు. ఈ ఏడాది చివరికల్లా సినిమా షూటింగ్ పూర్తి చేసి వచ్చే సంక్రాంతికి విడుదల చేసేందుకు టీం ప్లాన్ చేస్తుంది. మరి కమర్షియల్ గా అన్ని యాంగిల్స్ ను కవర్ చేస్తున్న రవితేజకు ఈసారైనా హిట్ దక్కుతుందేమో చూద్దాం.