కరోనా వైరస్ పై టిక్ టాక్ చేసి నెటిజన్లకు బుక్ అయిన ఛార్మి కౌర్

కరోనా వైరస్, ప్రపంచం ప్రస్తుతం ఎదుర్కొంటున్న అతి భయంకరమైన అంటువ్యాధి. ఈ వ్యాధి ఇప్పటికే వేలాది మంది ప్రాణాలను తీసుకుంది. ఒకరి నుండి మరొకరికి అంటుకొనడంతో చాలా మంది ప్రాణాంతక వ్యాధితో బాధపడుతున్నారు. ప్రపంచాన్ని భయాందోళనకు గురిచేస్తున్న కరోనా వైరస్ గురించి సరదాగా మాట్లాడటం సరైంది కాదు. ఈ వైరస్‌పై అనేక జబర్దాస్త్ స్కిట్‌లు సరదాగా చేయడం ఇప్పటికే చూశాము. ఇప్పుడు నటి ఛార్మీ ఈ జాబితాలో చేరింది. వైరస్ భారతదేశంలోకి ప్రవేశించిందని పేర్కొంటూ ఆమె టిక్ టాక్ వీడియో చేసింది. కరోనా వైరస్ న్యూ ఢిల్లీ మరియు తెలంగాణలోకి ప్రవేశించింది.  ఆల్ ది బెస్ట్ కుర్రాళ్ళు అని ఆమె నవ్వుతూ చెప్పారు. అయితే ఇది నెటిజన్లకు అస్సలు నచ్చలేదు. చాలా మంది ప్రాణాలను తీస్తున్న వైరస్ పై చమత్కరించినందుకు ఆమె చాలా విమర్శలు అందుకుంది. దీన్నిపై ఆవేదన చెందడమో లేదా పోరాడటమో చేయాలి కానీ సరదాగా జోక్లు చేయకూడదని నెటిజన్లు ఘాటుగా బుద్ధిచెప్పారు. ఇన్ని విమర్శలు ఎదురవ్వడంతో ఛార్మి టిక్ టాక్ వీడియోను డిలీట్ చేసింది.