
మెగాస్టార్ చిరంజీవి "ఖైది" సినిమాతో రీఎంట్రీ ఇచ్చి మంచి స్పీడు మీదున్నారు. తాజాగా భారీ బడ్జెట్ తో సురేందర్ రెడ్డి దర్శకత్వంలో తెరకెక్కిన "సైరా నరసింహారెడ్డి" చిత్రం రిలీజ్ ఒక మోస్తరు హిట్ గా నిలిచింది. తెలుగులో మంచి వసూళ్లను రాబట్టినా టాక్ మాత్రం ప్రవాలేదనిపించింది. ఇక వేరే భాషల్లో అంతంతమాత్రంగానే ఆడింది. చిరు సైరా గురించి సంతోషపడాల్సింది లేదు అలా అని బాధపడాల్సింది లేదు. ఇక ఇదిలావుంటే సైరా ఫీవర్ నుండి బయటకు వచ్చేసి తన తదుపరి సినిమాపై ఫోకస్ పెట్టాడు చిరు. 152వ చిత్రం కొరటాల శివ దర్శకత్వంలో తెరకెక్కుతున్న విషయం తెలిసిందే. ఈ సినిమాకు కూడా రామ్ చరణే నిర్మాణ బాధ్యతలు వహిస్తున్నాడు. మొన్నీమధ్యే చిరు టెస్ట్ లుక్ ను ఓకే చేసిన కొరటాల నేటి నుంచి షూటింగ్ ప్రారంభించారు. ఈ సందర్భంగా సినిమాను ఆగస్టు 14న రిలీజ్ చేస్తున్నట్లు ప్రకటించారు. సామాజిక అంశాలను తెరపై చూపడంలో కొరటాల శివ దిట్ట. అందుకే ఈ సినిమాపై భారీ అంచనాలు నెలకొన్నాయి.