“F3” కు రంగం సిద్ధం చేసిన అనిల్ రావిపూడి…సినిమాలో సీనియర్ హీరోయిన్

సంక్రాంతి దర్శకుడిగా పేరు తెచ్చుకున్న అనిల్ రావిపూడి, పండగకు వచ్చి కచ్చితంగా హిట్ కొడతాడు అన్న ధీమా హీరోల్లో, ప్రేక్షకుల్లో, నిర్మాతల్లో నెలకుంది. అందుకే అనిల్ తో సినిమా తీసేందుకు పెద్ద హీరోలు సైతం ఎదురుచూస్తున్నారు. ఈ ఏడాది సంక్రాంతికి దగ్గుబాటి వెంకటేష్, వరుణ్ తేజ్ లు హీరోలుగా అనిల్ తెరకెక్కించిన "F2" బ్లాక్ బస్టర్ అయిన విషయం తెలిసిందే. ఎఫ్2 సక్సెస్ మీట్ లోనే దీనికి సీక్వెల్ ఎఫ్3 రెడీగా ఉందని అనిల్ రావిపూడి చెప్పడం జరిగింది. అయితే ఆమధ్య అనిల్ రావిపూడి "F3" కథను వెంకటేష్ కు వినిపించగా వెంకీకి నచ్చడం ఓకే చెప్పడం జరిగింది. కానీ మొదట మహేష్ తో సినిమా చేయాల్సి ఉండి "సరిలేరు నీకెవ్వరు" సినిమాను తెరకెక్కించారు. ఇది జనవరి 11న రిలీజ్ కానుంది. ఇక వచ్చే ఏడాది సంక్రాంతికి "F3" ను బరిలోకి దింపే పనిలో ఉన్నాడట. ఈమేరకు ఒక ముఖ్య పాత్ర కోసం విజయశాంతిని సరిలేరు నీకెవ్వరు సెట్స్ లో అడగగా కధ నచ్చడంతో గ్రీన్ సిగ్నల్ ఇచ్చిందని తెలుస్తోంది.