అంచనాలను పెంచిన ‘కెజిఎఫ్ చాప్టర్ 2’ కొత్త పోస్టర్

అసలు ఎటువంటి అంచనాలు లేకుండా అప్పటి వరకు శాండల్ వుడ్ అంటే చిన్న చూపు చూసిన వారికీ సమాధానంగా వచ్చింది 'కెజిఎఫ్'. కేవలం సొంత భాషలోనే కాకుండా అన్ని భాషల్లోనూ రికార్డులను కొల్లగొట్టింది. ప్రశాంత్ నిల్ దర్శకత్వం వహించిన ఈ సినిమా భారీ స్థాయిలో హిట్ అవ్వడంతో చాప్టర్ 2 ను రూపొందిస్తున్నారు. ఈ సినిమాలో యశ్‌కు సంబంధించిన మరో పోస్టర్‌ను చిత్ర బృందం ఈ రోజు విడుదల చేసింది. ‘కేజీఎఫ్‌ ఛాప్టర్‌ 2’ సినిమాలో ప్రధాన ప్రతినాయకుడు అధీరా లుక్ ప్రేక్షకుల్లో సినిమాపై అంచనాలు పెంచినట్లే.. ఈ కొత్త లుక్ కూడా అదుర్స్ అనిపిస్తోంది. ఈ సినిమా టీజర్‌ను వచ్చేనెల 8న ఉదయం 10.38కి విడుదల చేస్తామని సినిమా బృందం ప్రకటించింది. కాగా, ఈ సినిమా షూటింగ్ దాదాపు పూర్తయింది. ఈ సినిమా మొదటి భాగం చివరలో అధీరా పాత్ర గురించి వివరించి, అధీరా రెండో భాగంలో వస్తాడని సూచించారు. రెండో భాగం కోసం ప్రేక్షకులు చాలా ఆసక్తిగా ఎదురుచూస్తున్నారు.