బిగ్ బాస్ 4 ను హోస్ట్ చేయనున్న మహేష్ బాబు ?

మీడియా మరియు చిత్ర పరిశ్రమలో కొనసాగుతున్న ప్రచారం నమ్మితే, వివాదాస్పద రియాలిటీ షో బిగ్ బాస్ తెలుగు సీజన్ 4 కు తెలుగు సూపర్ స్టార్ మహేష్ బాబు హోస్ట్ గా మరనున్నారు. తమ అభిమాన తార త్వరలో హోస్ట్ గా బిగ్ బాస్ హౌస్‌లోకి ప్రవేశిస్తారనే పుకార్లు రావడంతో మహే బాబు అభిమానుల ఆనందానికి హద్దులు లేవు.  తాజా పుకారు ప్రకారం, షో హోస్ట్ చేయడానికి బిగ్ బాస్ 4 తెలుగు షో మరియు స్టార్ మా నిర్వాహకులు మహేష్ బాబును ఎంపిక చేయాలని ఆలోచిస్తున్నారు. బిగ్ బాస్ తెలుగు మొదటి సీజన్ యంగ్ టైగర్ జూనియర్ ఎన్టీఆర్ హోస్ట్ చేయగా, రెండవ సీజన్ నాచురల్ స్టార్ నాని హోస్ట్ చేశారు. మూడవ సీజన్ కోసం, నిర్వాహకులు అక్కినేని నాగార్జునాను రంగంలోకి తెచ్చారు. ప్లే బ్యాక్ సింగర్ రాహుల్ సిప్లిగుంజ్ విజేతగా నిలవగా, శ్రీముఖి మొదటి రన్నరప్‌గా నిలిచింది. హోస్టులందరూ వారి సొంత శైలిలో ప్రేక్షకులను వారి యాంకరింగ్ తో మెప్పించి, ప్రశంసలు అందుకున్నారు. ఇక బిగ్ బాస్ సీజన్ 4 జూన్ 2020లో మొదలు కానున్నట్లు సమాచారం. మరి మహేష్ తన అంగీకారాన్ని ఇస్తాడో లేదో చూడాలి.