బాబాయి-అబ్బాయి కాంబోలో మల్టి స్టారర్…మెగా అభిమానులకు ఇక పండగే!

ఇటీవలి కాలంలో టాలీవుడ్ లో భారీ కాంబినేషన్లతో సినిమాల నిర్మాణం జరుగుతోంది. వందలాది కోట్ల బడ్జెట్టుతో ఆయా కాంబినేషన్లతో చిత్రాలను నిర్మిస్తున్నారు. ఇదే కోవలో ఇప్పుడు మరో భారీ కాంబినేషన్ తెరకెక్కనుందని వార్తలొస్తున్నాయి. అదే పవన్ కల్యాణ్-రామ్ చరణ్ హీరోలుగా ఓ భారీ చిత్ర నిర్మాణం. ఇక ఈ భారీ చిత్రానికి సంబంధించిన మరో విశేషం ఏమిటంటే, ప్రముఖ తమిళ దర్శకుడు శంకర్ దీనికి దర్శకత్వం వహిస్తాడట. ఇటీవల రామ్ చరణ్, పవన్ కల్యాణ్ లను దర్శకుడు శంకర్ ఈ విషయంలో సంప్రదించినట్టు తెలుస్తోంది. ఇప్పటికే కథ లైన్ కూడా ఓకే అయినట్టు చెబుతున్నారు. ఇందులో పవన్, చరణ్ ల పాత్రలు ఇంచుమించు సమానంగా వుంటాయని అంటున్నారు.