‘రాజశేఖర్’ మళ్ళీ బ్యాక్ టు ఫామ్! ఫస్ట్ లుక్ తో అంచనాలు పెంచిన హీరో!

సీనియర్ హీరో రాజశేఖర్ కు గత ఏడాది పెద్దగా కలిసిరాలేదని చెప్పాలి. గత ఏడాది యావత్ ప్రపంచానికే ప్రశ్నార్ధకరమైనా రాజశేఖర్ కు మాత్రం పునఃజన్మ అనే చెప్పాలి. ఒకసారి కార్ యాక్సిడెంట్ అయ్యి తృటిలో తప్పించుకున్నారు. ఆ తరువాత ఆయనతో సహా కుటుంబసభ్యులందరు కరోనా భారిన పడ్డారు. అందరూ త్వరగానే కోలుకున్నప్పటికీ హీరో మాత్రం ప్రాణాలతో జలగాటలాడి వచ్చారు. అవేవి రాజశేఖర్ ను ఆపలేదు. కోలుకొని మళ్ళీ రేటింపు ఉత్సాహంతో కొత్త సినిమాతో ప్రేక్షకుల ముందుకు రాబోతున్నారు. ఈ రోజు రాజ‌శేఖ‌ర్ బ‌ర్త్ డే సంద‌ర్భంగా ఆయ‌న కొత్త మూవీకి సంబంధించి అఫీషియ‌ల్ ప్ర‌క‌ట‌న విడుద‌లైంది. రాజ‌శేఖ‌ర్ 91వ సినిమాగా రూపొందుతున్న ఈ సినిమాకు ‘శేఖ‌ర్‌’ అనే టైటిల్ ఫిక్స్ చేయ‌గా, దీనికి మేన్ విత్ స్కేర్ అనే క్యాప్ష‌న్ ఇచ్చారు. లలిత్ అనే దర్శకుడు సినిమాను తెరకెక్కించబోతున్నాడు. శేఖ‌ర్ మూవీకి సంబంధించిన ఫ‌స్ట్ లుక్‌లో రాజ‌శేఖ‌ర్ తెల్ల‌ని గుబురు గ‌డ్డంతో సీరియ‌స్ లుక్‌లో క‌నిపిస్తున్నారు. ఈ చిత్రం మ‌ల‌యాళ మూవీకి రీమేక్ అని తెలుస్తుంది.