‘లూసిఫర్’ కు డైరెక్టర్ సుజీత్ ను ఎందుకు తీసేశారో కారణం చెప్పిన మెగాస్టార్!

మెగాస్టార్ చిరంజీవికి దేశంలోని వివిధ ప్రాంతాల్లో భారీ అభిమానులు ఉన్నారు. అతనిని వెండితెరపై చూడటానికి అతని అభిమానులు ఆసక్తిగా ఎదురుచూస్తున్నారు. ప్రస్తుతం, చిరంజీవి కొరటాల శివ దర్శకత్వంలో తెరకెక్కుతున్న ‘ఆచార్య’ చిత్రంతో బిజీగా ఉన్నారు. కరోనా కారణంగా నిలిచిపోయిన ఈ మూవీ షూట్ ఈ ఏడాది చివరి నాటికి కిక్‌స్టార్ట్ చేయాలని మేకర్స్ యోచిస్తున్నారు. అయితే చాలా ప్రశంసలు పొందిన మలయాళ బ్లాక్ బస్టర్ ‘లూసిఫర్’ యొక్క తెలుగు రీమేక్ ను చిరంజీవి డైరెక్టర్ సుజీత్ తో ప్లాన్ చేసిన విషయం తెలిసిందే. అయితే, అనూహ్యంగా సుజీత్ స్థానంలో వివి వినాయక్ రంగంలోకి దిగారు. సుజీత్ చివరి చిత్రం ‘సాహో’ బాక్సాఫీస్ వద్ద ఘోరంగా విఫలమైనందున చిరంజీవి సుజీత్‌తో కలిసి పనిచేయడానికి ఆసక్తి చూపలేదని చాలా ఉహాగానాలు వచ్చాయి. సుజీత్ స్థానంలో వివి వినాయక్ ను ఎందుకు తీసుకోవాల్సి వచ్చిందో కారణం చిరంజీవి వెల్లడించారు. "సుజీత్ తన వివాహం తరువాత నా వద్దకు వచ్చాడు. తాను ప్రాజెక్ట్ మీద దృష్టి పెట్టలేకపోతున్నానని, అందుకే దీని నుంచి తప్పుకోవాలనుకుంటున్నాని తనను క్షమించమని కోరాడు. అందుకు నేను అంగీకరించానని” తెలిపారు.