విజయ్ సినిమాకు వెంకటేష్ డైరెక్టర్

ఇలయతలపతి విజయ్ వరుస సినిమాలు చేస్తూ ఫుల్ బిజీగా ఉన్నాడు. విజయ్ నటించిన ఇటీవలి సినిమాలన్నీ తమిళనాడులో భారీ బ్లాక్ బస్టర్స్ అయ్యాయి. ఆ విజయాలతో జోష్ మీదున్న విజయ్ చాలా వేగంగా సినిమాలు చేస్తున్నాడు. అతని చివరి చిత్రం 'బిగిల్' టాలీవుడ్లో 'విజిల్' గా దీపావళి సందర్భంగా విడుదలై, తెలుగు రాష్ట్రాల్లో పెద్ద విజయం సాధించింది. విజయ్ తన తదుపరి సినిమాను సమ్మర్ రిలీజ్ కోసం సిద్ధం చేస్తున్న విషయం తెలిసిందే. పెద్ద విరామం తీసుకోకుండా, స్టార్ హీరో సినిమా తర్వాత సినిమా చేస్తూనే ఉన్నాడు. సమ్మర్ రిలీజ్ సినిమా కాకుండా విజయ్ మరో సినిమాకు గ్రీన్ సిగ్నల్ ఇచ్చినట్లు తెలుస్తోంది. విజయ్, టాలీవుడ్ స్టార్ హీరో దగ్గుబాటి వెంకటేష్ నటించిన 'గురు' సినిమాను డైరెక్ట్ చేసిన దర్శకురాలు సుధా కాంగారాతో కలిసి పని చేయనున్నారు. సుదీర్ఘ విరామం తీసుకున్న తరువాత, దర్శకురాలు హీరో సూర్యతో 'సూరరై పాట్రూ' తెలుగులో 'ఆకాశమే నీ హద్దురా' అనే సినిమాను తీస్తుంది. ఈ చిత్రం ఏప్రిల్లో విడుదల చేస్తోంది. ఇక విజయ్, సుధా ప్రాజెక్ట్ విషయానికి వస్తే, ప్రస్తుతం ప్రి ప్రొడక్షన్ దశల్లో ఉన్న ఈ చిత్రం జూన్ లో సెట్స్ పైకి వెళ్లనుంది.