Chiranjeevi:దర్శకుడిగా విభిన్న కథలను తెరకెక్కిస్తూ తనకంటూ ప్రత్యేక గుర్తింపు సంపాదించుకున్న బాలీవుడ్ ప్రముఖుడు అనురాగ్ కశ్యప్.. నటుడిగానూ ప్రేక్షకులను ఆకట్టుకుంటున్నారు. ముఖ్యంగా ప్రతినాయక పాత్రల్లో ఆయన చూపిస్తున్న నటనకు మంచి ప్రశంసలు లభిస్తున్నాయి. తాజాగా మెగాస్టార్ చిరంజీవి నటిస్తున్న ‘కాకా’ చిత్రంలో ఆయన కీలక పాత్ర పోషించబోతున్నారు. దీంతో ఈ ప్రాజెక్టుపై ప్రేక్షకుల్లో ఆసక్తి మరింత పెరిగింది. అసలే చిరంజీవి సినిమా అంటే ఓ రేంజ్ లో ఊహించుకుంటారు. పైగా బాబీ దర్శకత్వం అంటే ఇక ఏ రేంజ్ లో ఉంటుందో తెలిసిందే. ఇప్పుడు అనురాగ్ కశ్యప్ ఎంట్రీ ఇస్తే రచ్చ రచ్చే అని చెప్పుకోవడం లో సందేహమే లేదు.
విలన్ పాత్రల్లో ప్రత్యేక గుర్తింపు :
అనురాగ్ కశ్యప్ పేరు వినగానే వైవిధ్యమైన సినిమాలు, బలమైన కథాంశాలు గుర్తుకొస్తాయి. దర్శకనిర్మాతగా హిందీ చిత్ర పరిశ్రమలో తనదైన ముద్ర వేసిన ఆయన.. నటుడిగా కూడా విభిన్న పాత్రలను ఎంచుకుంటున్నారు. దక్షిణాది సినిమాల్లోనూ తన నటనతో ప్రేక్షకుల దృష్టిని ఆకర్షించారు. ‘మహారాజ’, ‘రైఫిల్ క్లబ్’ వంటి చిత్రాల్లో ప్రతినాయకుడిగా ఆయన ప్రదర్శించిన నటనకు మంచి స్పందన వచ్చింది.
ఈ నేపథ్యంలో ఇప్పుడు చిరంజీవి సినిమాలో ప్రతినాయకుడిగా కనిపించనుండటం ప్రత్యేక ప్రాధాన్యం సంతరించుకుంది. మెగాస్టార్‌తో అనురాగ్ కశ్యప్ స్క్రీన్ షేర్ చేసుకోనుండటంతో వీరిద్దరి మధ్య సన్నివేశాలు ఎలా ఉండబోతాయనే ఆసక్తి అభిమానుల్లో నెలకొంది.
also read:Bigg Boss 10 :బిగ్ బాస్ 10 ఓటింగ్ ట్రెండ్స్.. టాప్‌లో రోహిత్.. లీస్ట్‌లో ఆ ఇద్దరు!
హైదరాబాద్‌లో కొనసాగుతున్న షూటింగ్ :
‘కాకా’ చిత్రీకరణ ప్రస్తుతం హైదరాబాద్‌లో కొనసాగుతోంది. ఈ షెడ్యూల్‌లో అనురాగ్ కశ్యప్ కూడా ప్రధాన తారాగణంతో కలిసి పాల్గొంటున్నట్లు నిర్మాణ సంస్థ వెల్లడించింది. ఆయన పాత్రకు సంబంధించిన వివరాలను పూర్తిగా బయటపెట్టకపోయినప్పటికీ, కథలో ప్రతినాయకుడిగా కీలక పాత్ర పోషించనున్నట్లు స్పష్టం చేసింది.
చిరంజీవి సినిమాల్లో విలన్ పాత్రలకు ఎప్పుడూ ప్రత్యేక ప్రాధాన్యం ఉంటుంది. ఈసారి అనురాగ్ కశ్యప్‌ను ఎంచుకోవడం సినిమాపై అంచనాలను పెంచుతోంది. ఆయన నటన, పాత్ర చిత్రణ ప్రేక్షకులను ఏ మేరకు ఆకట్టుకుంటాయో తెలియాలంటే సినిమా విడుదల వరకు వేచి చూడాల్సిందే.
also read:Bellamkonda Srinivas:”నేను హీరోని నిర్మాతని కాదు”..టైసన్ నాయుడు పై బెల్లంకొండ సాయి ఫైర్..!
సంక్రాంతి బరిలో ‘కాకా’ :
బాబీ కొల్లి దర్శకత్వం వహిస్తున్న ఈ చిత్రాన్ని కేవీఎన్ ప్రొడక్షన్స్ నిర్మిస్తోంది. నిర్మాత వెంకట్ కె. నారాయణ ఈ ప్రాజెక్టును భారీ స్థాయిలో రూపొందిస్తున్నారు. అనశ్వర రాజన్‌తో పాటు పలువురు ప్రముఖులు ఇందులో నటిస్తున్నారు. విజయ్ కార్తీక్ కన్నన్ సినిమాటోగ్రఫీ అందిస్తుండగా, తమన్ సంగీత బాధ్యతలు నిర్వహిస్తున్నారు.
మెగాస్టార్ చిరంజీవి (Chiranjeevi)ప్రధాన పాత్రలో తెరకెక్కుతున్న ‘కాకా’ చిత్రాన్ని వచ్చే ఏడాది సంక్రాంతి సందర్భంగా విడుదల చేసేందుకు మేకర్స్ ప్రణాళికలు సిద్ధం చేస్తున్నారు. జనవరి 13న ఈ సినిమాను థియేటర్లలోకి తీసుకురావాలని లక్ష్యంగా పెట్టుకున్నారు. ఇప్పటికే ఈ చిత్రంపై ప్రేక్షకుల్లో ఆసక్తి నెలకొంది. ముఖ్యంగా చిరంజీవి నటనతో పాటు బాలీవుడ్ దర్శకుడు, నటుడు అనురాగ్ కశ్యప్ ప్రతినాయకుడిగా కనిపించనుండటం సినిమాపై అంచనాలను మరింత పెంచుతోంది. వీరిద్దరి మధ్య సన్నివేశాలు ఎలా ఉండబోతున్నాయోనని అభిమానులు ఆసక్తిగా ఎదురుచూస్తున్నారు. సంక్రాంతి బరిలో ఈ చిత్రం ఎలాంటి విజయాన్ని అందుకుంటుందో చూడాలి.
