Fauzi:పాన్ ఇండియా స్టార్ ప్రభాస్ నటిస్తున్న ప్రతిష్టాత్మక చిత్రం ‘ఫౌజీ’పై అభిమానుల్లో ఎలాంటి అంచనాలు ఏర్పడ్డాయో అందరికీ తెలిసిందే. దర్శకుడు హను రాఘవపూడి తెరకెక్కిస్తున్న ఈ పీరియాడిక్ యాక్షన్ డ్రామాను మైత్రి మూవీ మేకర్స్ సంస్థ భారీ బడ్జెట్తో నిర్మిస్తోంది. ప్రేమ, యుద్ధం, దేశభక్తి అంశాల సమ్మేళనంగా రూపొందుతున్న ఈ సినిమా గురించి ఇప్పటివరకు పెద్దగా అప్డేట్లు ఏవీ రాలేదు. దీంతో ఫ్యాన్స్ కోసం ఇప్పుడు మాత్రం మూవీ టీమ్ ఇచ్చిన అప్డేట్ అభిమానులను ఎగిరిగంతేసేలా చేసింది.
రిలీజ్ డేట్ అధికారిక ప్రకటన:
మొదట ఈ చిత్రాన్ని ఆగస్టులో విడుదల చేయాలని చిత్ర బృందం భావించినప్పటికీ, షూటింగ్ ఆలస్యం కావడంతో రిలీజ్ను వాయిదా వేశారు. తాజాగా అభిమానులకు సర్ప్రైజ్ ఇస్తూ ‘అజ్ఞాత పర్వం’ పేరుతో ప్రత్యేక పోస్టర్ను విడుదల చేశారు. అదే సమయంలో సినిమా విడుదల తేదీని కూడా అధికారికంగా ప్రకటించారు. డిసెంబర్ 3న ప్రపంచవ్యాప్తంగా ‘ఫౌజీ'(Fauzi) ప్రేక్షకుల ముందుకు రాబోతున్నట్లు మేకర్స్ తెలిపారు.
also read:Vrushakarma:నాగ చైతన్య ‘వృషకర్మ’కు భారీ ఓట్ట్ ఆఫర్..రిలీజ్కు ముందే సెన్సేషనల్ డీల్..!?
ప్రభాస్ లుక్ సోషల్ మీడియాలో వైరల్:
కొత్త పోస్టర్లో ప్రభాస్ ఎంతో పవర్ఫుల్గా కనిపించాడు. షర్ట్ లేకుండా, శరీరం మొత్తం రక్తంతో తడిసిపోయి, తీవ్ర పోరాటం అనంతరం అలసటతో కూర్చున్నట్లుగా చూపించిన ఈ లుక్ అభిమానులను బాగా ఆకట్టుకుంటోంది. పోస్టర్లో కనిపించిన యాక్షన్ తీవ్రత సినిమా స్థాయిని సూచిస్తోందని అభిమానులు అభిప్రాయపడుతున్నారు. ఈ మాస్ లుక్ ప్రస్తుతం సోషల్ మీడియాలో వైరల్ అవుతోంది.
also read:OTT : ఓటీటీలోకి రాబోతున్న టోవినో థామస్ మూవీ!
అజ్ఞాత పర్వం స్టాంప్ వెనుక ఆసక్తికర కథ:
పోస్టర్లో మరో ఆసక్తికర అంశం కూడా కనిపించింది. అందులో ఉన్న స్టాంప్పై “అజ్ఞాత పర్వం – Most Wanted Since 1932” అని ఉండడం చర్చనీయాంశంగా మారింది. దీనిని బట్టి చూస్తే, ఈ కథ స్వాతంత్ర్యానికి ముందు కాలంలో సాగుతుందనే విషయం తెలుస్తోంది. ప్రభాస్ పోషిస్తున్న పాత్ర బ్రిటిష్ పాలకులకు అత్యంత కావాల్సిన వ్యక్తిగా ఉండే అవకాశం ఉందేమో అంటూ సినీ అభిమానులు అంచనా వేస్తున్నారు. ఇది సినిమాపై మరింత ఉత్కంఠను పెంచేసింది.
భారీ అంచనాల్లో ఫౌజీ:
ప్రభాస్ తొలిసారిగా హను రాఘవపూడితో కలిసి పనిచేస్తుండడంతో ఈ ప్రాజెక్టుపై ప్రత్యేక ఆసక్తి నెలకొంది. పీరియాడిక్ నేపథ్యం, భావోద్వేగ కథనం, భారీ యాక్షన్ సన్నివేశాలతో రూపొందుతున్న ఈ చిత్రం ప్రభాస్ కెరీర్లో మరో విభిన్న చిత్రంగా నిలుస్తుందనే నమ్మకం అభిమానుల్లో వ్యక్తమవుతోంది. డిసెంబర్ 3న విడుదల కాబోతున్న ఈ సినిమా బాక్సాఫీస్ వద్ద ఎలాంటి సంచలనం సృష్టిస్తుందో చూడాలి.
अज्ञातपर्व ENDS.
THE REBELLION BEGINS 🔥#Fauzi GRAND RELEASE WORLDWIDE ON 3rd DECEMBER 2026 ❤🔥#FauziOnDec3Rebel Star #Prabhas#Imanvi @hanurpudi #MithunChakraborty #JayaPrada @AnupamPKher @Composer_Vishal @sudeepdop @kk_lyricist @MrSheetalsharma @rckamalakannan… pic.twitter.com/EBeYKkNsjo
— Mythri Movie Makers (@MythriOfficial) July 16, 2026
