Samantha :టాలీవుడ్ స్టార్ హీరోయిన్ సమంత రుత్ ప్రభు అభిమానులకు ఒక తీపి కబురు అందించారు. తన వ్యక్తిగత జీవితంలో కొత్త అధ్యాయానికి స్వాగతం పలుకుతూ తల్లిగా ప్రమోషన్ పొందినట్లు ప్రకటించారు. ప్రముఖ దర్శకుడు రాజ్ నిడిమోరుతో కలిసి తమ జీవితంలోకి వచ్చిన చిన్నారిని అభిమానులకు పరిచయం చేశారు. ఈ వార్త ప్రస్తుతం సోషల్ మీడియాలో హాట్ టాపిక్గా మారింది. సమంతకు మగబిడ్డ పుట్టాడన్న విషయం తెలుసుకున్న అభిమానులు, సినీ ప్రముఖులు ఈ జంటకు అభినందనలు తెలియజేస్తున్నారు.
మగబిడ్డకు జన్మనిచ్చిన సమంత.. ఆనందంలో అభిమానులు :
సమంత, రాజ్ నిడిమోరు దంపతులు తమ మొదటి సంతానానికి స్వాగతం పలికినట్లు సోషల్ మీడియా వేదికగా వెల్లడించారు. పండంటి మగబిడ్డ తమ జీవితంలోకి రావడంతో ఈ జంట ఆనందానికి అవధులు లేకుండా పోయాయి. తమ కుటుంబంలోకి కొత్త సభ్యుడు రావడం పట్ల సంతోషం వ్యక్తం చేస్తూ ఈ శుభవార్తను అభిమానులతో పంచుకున్నారు. దీంతో సమంత అభిమానులు సోషల్ మీడియా వేదికగా పెద్ద ఎత్తున శుభాకాంక్షలు తెలియజేస్తున్నారు.
కొడుకు పేరు ‘దేవ్’.. స్పెషల్ పోస్ట్తో ప్రకటన:
ఇక ఈ వార్తలో అందరినీ ఆకట్టుకుంటున్న మరో ఆసక్తికరమైన విషయం చిన్నారి పేరు. సమంత, రాజ్ తమ ముద్దుల కుమారుడికి ‘దేవ్’ అని పేరు పెట్టినట్లు వెల్లడించారు. తమ బిడ్డను పరిచయం చేస్తూ ‘అవర్ బ్యూటిఫుల్ బేబీ బాయ్ దేవ్’ అంటూ ఆనందాన్ని పంచుకున్నారు. ఈ పేరు ప్రస్తుతం సోషల్ మీడియాలో చర్చనీయాంశంగా మారింది. అభిమానులు సైతం దేవ్ పేరును ప్రస్తావిస్తూ ఈ జంటకు శుభాకాంక్షలు చెబుతున్నారు.
సమంత, రాజ్ పెళ్లి :
టాలీవుడ్ స్టార్ హీరోయిన్ సమంత రూత్ ప్రభు, ప్రముఖ దర్శకుడు రాజ్ నిడిమోరు వివాహం సినీ ఇండస్ట్రీలో హాట్ టాపిక్గా మారింది. కొంతకాలంగా ప్రేమలో ఉన్న వీరిద్దరూ చివరకు పెళ్లి బంధంతో ఒక్కటయ్యారు. ఎలాంటి ఆర్భాటాలు, హంగామా లేకుండా అత్యంత సన్నిహితులు, కుటుంబ సభ్యుల సమక్షంలో తమ వివాహ వేడుకను జరుపుకున్నారు. ఎంతో ప్రశాంతమైన వాతావరణంలో జరిగిన ఈ పెళ్లి అభిమానులను ఆశ్చర్యానికి గురిచేసింది. వీరిద్దరి పరిచయం ఎలా ఏర్పడింది? స్నేహం ప్రేమగా ఎలా మారింది? వివాహ వేడుకను ఎక్కడ నిర్వహించారు? పెళ్లి సమయంలో ఎలాంటి ప్రత్యేకతలు చోటుచేసుకున్నాయి? ప్రస్తుతం సమంత, రాజ్ నిడిమోరు వివాహానికి సంబంధించిన ఆసక్తికరమైన విషయాలు సోషల్ మీడియాలో చర్చనీయాంశంగా మారాయి.
సమంత జీవితంలో కొత్త ప్రయాణం.. శుభాకాంక్షల వెల్లువ:
సమంత వ్యక్తిగత జీవితం గతంలో ఎన్నో మలుపులు తిరిగింది. కెరీర్ పరంగా ఎన్నో విజయాలను అందుకున్న ఆమె, వ్యక్తిగత జీవితంలోనూ పలు ఒడిదుడుకులను ఎదుర్కొన్నారు. అలాంటి పరిస్థితుల తర్వాత రాజ్ నిడిమోరుతో కొత్త జీవితాన్ని ప్రారంభించిన సమంతకు ఇప్పుడు మాతృత్వం మరో మధురమైన అనుభూతిని అందించినట్లయింది.
గత కొంతకాలంగా సమంతకు సంబంధించిన వ్యక్తిగత విషయాలు సోషల్ మీడియాలో విపరీతంగా వైరల్ అవుతున్నాయి. ముఖ్యంగా ఆమె తల్లి కాబోతున్నారంటూ వచ్చిన వార్తలు, ప్రత్యేక పూజలకు సంబంధించిన ఫొటోలు అభిమానుల్లో ఆసక్తిని పెంచాయి. తాజాగా బిడ్డకు జన్మనిచ్చినట్లు వచ్చిన ప్రకటనతో ఈ చర్చలకు మరింత ప్రాధాన్యత ఏర్పడింది.
ALSO READ: Anirudh Wedding Big Twist:అనిరుధ్ పెళ్లిల్లో బిగ్ ట్విస్ట్.. కావ్య మారన్ పెళ్లిలో అందుకే ఏడవలేదా..?
మరోవైపు సినీ పరిశ్రమకు చెందిన పలువురు ప్రముఖులు, అభిమానులు సమంత, రాజ్ దంపతులకు అభినందనలు తెలియజేస్తున్నారు. చిన్నారి దేవ్ ఆరోగ్యంగా, సంతోషంగా ఎదగాలని ఆకాంక్షిస్తున్నారు. సినిమాలతో ప్రేక్షకులను అలరించిన సమంతకు ఇప్పుడు మాతృత్వం రూపంలో మరో అందమైన అనుభవం తోడైంది. దీంతో ఆమె జీవితంలో ఈ కొత్త ప్రయాణం ఎలా సాగుతుందో చూడాలని అభిమానులు ఆసక్తిగా ఎదురుచూస్తున్నారు.




