Bigg Boss:బిగ్‌బాస్ తెలుగు సీజన్ 10లో ఆదివారం ఎపిసోడ్ ప్రేక్షకులకు అదిరిపోయే ట్విస్ట్ ఇచ్చింది. ఈ వారం ఎలిమినేషన్ ఉండదనే ప్రచారం మధ్య షాలిని ఇంటి నుంచి బయటకు వెళ్లిపోతున్నట్లు హోస్ట్ నాగార్జున ప్రకటించడంతో హౌస్‌లో భావోద్వేగ వాతావరణం నెలకొంది. అయితే, ఎపిసోడ్ చివర్లో అసలు విషయం వెల్లడించి అందరినీ ఆశ్చర్యపరిచారు. షాలిని ఎలిమినేట్ కాలేదని, ఆమెను సీక్రెట్ రూమ్‌కు పంపిస్తున్నట్లు తెలిపారు. దీంతో అప్పటివరకు బాధలో ఉన్న షాలిని ఆనందానికి అవధులు లేకుండా పోయాయి.
షాలిని, వర్షిణి మధ్య ఉత్కంఠ :
ఈ వారం నామినేషన్ల ప్రక్రియలో చివరి వరకు రోహిత్, షాలిని, వర్షిణి నిలిచారు. వీరిలో రోహిత్ సురక్షితంగా ఉన్నట్లు నాగార్జున ప్రకటించడంతో షాలిని, వర్షిణిలలో ఎవరు హౌస్‌ను వీడతారనే ఆసక్తి పెరిగింది. అనంతరం ఇద్దరినీ గార్డెన్ ఏరియాలో ఏర్పాటు చేసిన ప్రత్యేక బాక్సుల వద్దకు తీసుకెళ్లారు. నాగార్జున ఇచ్చిన సూచనల ప్రకారం ముందుకు సాగిన వారిలో చివరకు షాలిని ఎండ్ బాక్స్ వద్దకు చేరుకుంది. దీంతో ఆమె ఎలిమినేట్ అయినట్లు హోస్ట్ ప్రకటించారు.
రోహిత్‌తో షాలిని భావోద్వేగం:
హౌస్(Bigg Boss) నుంచి బయటకు వెళ్లాల్సి వస్తుందని భావించిన షాలిని కన్నీళ్లు పెట్టుకుంటూ తీవ్ర భావోద్వేగానికి లోనైంది. రోహిత్‌ను కౌగిలించుకుని కన్నీళ్లు పెట్టుకుంది. షాలిని నిజంగానే వెళ్లిపోతోందని అనుకున్న రోహిత్ కూడా బాధను ఆపుకోలేకపోయాడు. ఇద్దరూ ఒకరినొకరు ఓదార్చుకున్నారు.
ఈ సందర్భంగా షాలిని చేసిన వ్యాఖ్యలు అందరి దృష్టిని ఆకర్షించాయి. తన గురించి ఇతరులు ఏమనుకున్నా పట్టించుకోనని, అయితే రోహిత్ మాత్రం తనను అర్థం చేసుకుంటే చాలంటూ ఆమె భావోద్వేగంగా మాట్లాడింది. అనంతరం హౌస్ సభ్యులకు వీడ్కోలు చెప్పి బయటకు వెళ్లింది.
also read:Naga Chaitanya:వృషకర్మ ఓటీటీ డీల్‌పై భారీ బజ్.. నాగ చైతన్య కెరీర్‌లోనే రికార్డ్!
వంశీ, సుధీర్‌ల ఆటపై షాలిని కామెంట్స్:
వేదికపైకి వచ్చిన తర్వాత నాగార్జున షాలినిని పలు ప్రశ్నలు అడిగారు. తన స్థానంలో ఎవరు ఎలిమినేట్ కావాల్సి ఉండేదని అడగ్గా, ఆమె వంశీ, సుధీర్, వర్షిణి పేర్లను ప్రస్తావించింది. వంశీ తన సొంత ఆట ఆడకుండా త్రిగుణ్ ప్రభావంలో ఉంటున్నాడని అభిప్రాయపడింది. అలాగే సుధీర్ కూడా ముకేశ్, వర్షిణిల ప్రభావానికి లోనవుతున్నాడని పేర్కొంది. ఆటల విషయంలో వర్షిణి తనకంటే బలహీనంగా ఉందని, ఆమె స్థానంలో తాను హౌస్‌లో కొనసాగేందుకు అర్హురాలినని షాలిని చెప్పింది.
also read:VK Naresh:పెళ్లి చేసుకోకుండానే పిల్లలా? వైరల్ కామెంట్స్‌పై వీకే నరేశ్ క్లారిటీ!
సీక్రెట్ రూమ్‌లోకి షాలిని.. సభ్యులకు తెలియని ట్విస్ట్!:
ఎపిసోడ్ ముగిసే సమయంలో నాగార్జున మరో కీలక ప్రకటన చేశారు. షాలిని నిజంగా ఎలిమినేట్ కాలేదని, ఆమెను సీక్రెట్ రూమ్‌లోకి పంపిస్తున్నట్లు వెల్లడించారు. తిరిగి హౌస్‌లోకి ఎప్పుడు వెళ్లాలనేది బిగ్‌బాస్ నిర్ణయిస్తారని స్పష్టం చేశారు. దీంతో షాలిని సంతోషానికి గురైంది.
అయితే, షాలిని ఎలిమినేట్ అయిందని భావిస్తున్న హౌస్ సభ్యులకు ఈ విషయం ఇంకా తెలియదు. ఆమె తిరిగి ఇంట్లోకి అడుగుపెట్టినప్పుడు సభ్యులు ఎలా స్పందిస్తారు? సీక్రెట్ రూమ్‌లో ఉంటూ షాలిని ఎలాంటి పరిణామాలను గమనించనుంది? అనే అంశాలు తదుపరి ఎపిసోడ్లపై ఆసక్తిని పెంచుతున్నాయి.
