Pooja Hegde:సోషల్ మీడియా అందుబాటులోకి వచ్చిన తర్వాత సెలబ్రిటీలకు సంబంధించిన ప్రతి చిన్న విషయం కూడా క్షణాల్లో వైరల్ అవుతోంది. ముఖ్యంగా హీరోలు, హీరోయిన్లు ఇచ్చే ఇంటర్వ్యూల్లోని కొన్ని వ్యాఖ్యలను తీసుకుని నెటిజన్లు రకరకాల చర్చలకు తెరలేపుతున్నారు. కొన్నిసార్లు సరదాగా చెప్పిన మాటలు కూడా పెద్ద వివాదాలకు దారితీస్తున్నాయి. తాజాగా టాలీవుడ్ బుట్టబొమ్మ పూజా హెగ్డేకు సంబంధించిన ఓ వీడియో సోషల్ మీడియాలో హాట్ టాపిక్‌గా మారింది. ఆమె చేసిన ఓ చిన్న కామెంట్ ప్రభాస్ అభిమానుల్లో చర్చకు కారణమైంది.
టాక్ షోలో పూజా హెగ్డేకు ఆసక్తికరమైన ప్రశ్న :
తాజాగా ఓ టాక్ షోకు గెస్ట్‌గా హాజరైన పూజా హెగ్డే(Pooja Hegde) తన సినీ ప్రయాణం, వ్యక్తిగత జీవితం, కెరీర్‌కు సంబంధించిన పలు విషయాలను పంచుకుంది. ఈ క్రమంలో షోలో భాగంగా హోస్ట్ ఆమెకు ఓ ఆసక్తికరమైన ప్రశ్నను సంధించారు. ఇద్దరు స్టార్ హీరోల పేర్లు ప్రస్తావిస్తూ.. వారిలో ఎవరితో లాంగ్ డ్రైవ్‌కు వెళ్లాలని అనుకుంటున్నారని అడిగారు. ఆ ఇద్దరు హీరోలు మరెవరో కాదు.. కోలీవుడ్ స్టార్ విజయ్ దళపతి, టాలీవుడ్ రెబల్ స్టార్ ప్రభాస్.
also read:Jr NTR:ఎన్టీఆర్ నెక్స్ట్ టార్గెట్ ఆ సెన్సేషనల్ డైరెక్టరే.. ఇక బాక్సాఫీస్ బ్లాస్ట్!
పూజా హెగ్డే సమాధానంతో షోలో నిశ్శబ్దం:
హోస్ట్ అడిగిన ప్రశ్నకు పూజా హెగ్డే వెంటనే తన సమాధానం చెప్పింది. అయితే ఆమె ఇచ్చిన ఆన్సర్ అక్కడున్న వారిని ఒక్కసారిగా ఆశ్చర్యానికి గురిచేసినట్లు తెలుస్తోంది. ముఖ్యంగా ప్రభాస్ పేరును ఎంచుకోకపోవడంతో ఈ వీడియో ఇప్పుడు సోషల్ మీడియాలో వైరల్ అవుతోంది. విజయ్ దళపతితో పూజా హెగ్డేకు మంచి పరిచయం, అనుబంధం ఉండటంతో ఆమె ఈ నిర్ణయం తీసుకుని ఉండవచ్చని కొందరు అభిప్రాయపడుతున్నారు.
also read:Sree Mukhi: బార్బీ డాల్ లా ఆకట్టుకుంటున్న శ్రీముఖి.. క్రేజీ ఫోజ్ అదుర్స్!
ప్రభాస్‌తో గతంలోనూ రూమర్స్:
మరోవైపు ప్రభాస్, పూజా హెగ్డే కలిసి ‘రాధేశ్యామ్’ సినిమాలో నటించిన విషయం తెలిసిందే. ఈ సినిమాలో వీరిద్దరి కెమిస్ట్రీకి ప్రేక్షకుల నుంచి మంచి స్పందన వచ్చింది. సినిమా ఆశించిన స్థాయిలో విజయం సాధించకపోయినా, ప్రధాన నటీనటుల పెర్ఫార్మెన్స్‌కు ప్రశంసలు దక్కాయి. అయితే సినిమా ప్రమోషన్ల సమయంలో పూజా హెగ్డే ప్రభాస్‌తో సరిగ్గా మాట్లాడటం లేదని, కాస్త దూరంగా ఉంటున్నారంటూ అప్పట్లో కొన్ని ప్రచారాలు జరిగాయి. ఆమెకు హెడ్ వెయిట్ ఎక్కువనే కామెంట్స్ కూడా వినిపించాయి.
ప్రభాస్ ఫ్యాన్స్ ట్రోలింగ్.. పూజాకు మద్దతు:
ఇప్పుడు లాంగ్ డ్రైవ్ ప్రశ్నకు పూజా హెగ్డే ఇచ్చిన సమాధానంతో పాత ప్రచారాలు మరోసారి తెరపైకి వస్తున్నాయి. కొంతమంది ప్రభాస్ అభిమానులు ఆమెను సోషల్ మీడియాలో ట్రోల్ చేస్తుండగా, మరికొందరు మాత్రం ఆమెకు మద్దతుగా నిలుస్తున్నారు. ఒక టాక్ షోలో సరదాగా అడిగిన ప్రశ్నకు తనకు నచ్చిన సమాధానం చెప్పే హక్కు పూజా హెగ్డేకు ఉందని అంటున్నారు. అంతేకాకుండా ఒకరి వ్యక్తిగత అభిరుచిని సినిమా విజయాపజయాలతో, హీరోల అభిమానంతో ముడిపెట్టడం సరికాదని అభిప్రాయపడుతున్నారు. మొత్తానికి పూజా హెగ్డే లాంగ్ డ్రైవ్ కామెంట్స్ ప్రస్తుతం సోషల్ మీడియాలో మరోసారి స్టార్ హీరోల అభిమానుల మధ్య చర్చకు దారితీశాయి.
