Janhvi Kapoor:గ్లోబల్ స్టార్ రామ్ చరణ్ హీరోగా, బుచ్చిబాబు సానా దర్శకత్వంలో తెరకెక్కిన ‘పెద్ది’ సినిమా మరోసారి వార్తల్లో నిలిచింది. ఈ సినిమాలో హీరోయిన్‌గా నటించిన జాన్వీ కపూర్ పాత్రపై గతంలో వచ్చిన విమర్శలు, వివాదాలు మరోసారి చర్చనీయాంశంగా మారాయి. ముఖ్యంగా సినిమాలో ఆమె పాత్రను చిత్రీకరించిన విధానంపై పలువురు అభ్యంతరాలు వ్యక్తం చేశారు. తాజాగా ఈ వివాదంపై జాన్వీ కపూర్ స్పందించడంతో సోషల్ మీడియాలో ఈ అంశంపై చర్చ మొదలైంది.
‘పెద్ది’ సినిమాలో జాన్వీ పాత్రపై విమర్శలు:
రామ్ చరణ్ అభిమానులు ‘పెద్ది’ సినిమాను ఒక విధంగా గుర్తుంచుకుంటే, జాన్వీ కపూర్ (Janhvi Kapoor)అభిమానులు మాత్రం మరో కోణంలో ఈ సినిమాను గుర్తు చేసుకుంటున్నారు. సినిమా విడుదలై చాలా కాలం గడిచినా, దీనిపై వచ్చిన విమర్శలను ప్రేక్షకులు అంత సులభంగా మర్చిపోలేకపోతున్నారు. ముఖ్యంగా సినిమాలో జాన్వీ కపూర్ పాత్రను తెరపై చూపించిన విధానంపై గతంలో పెద్ద ఎత్తున అభ్యంతరాలు వ్యక్తమయ్యాయి.
కొన్ని సన్నివేశాల్లో ఆమెను చూపించిన తీరు అభ్యంతరకరంగా ఉందంటూ పలువురు విమర్శించారు. ఒక హీరోయిన్‌ను ఇలా చూపించడం అవసరమా అంటూ కొంతమంది సినీ ప్రముఖులు సైతం బహిరంగంగా తమ అభిప్రాయాలను వెల్లడించారు.
తన తప్పును అంగీకరించిన జాన్వీ కపూర్:
తాజాగా ఈ వివాదంపై జాన్వీ కపూర్ స్పందించింది. బాలీవుడ్ టాక్ షో ‘కాఫీ విత్ కరణ్’లో పాల్గొన్న ఆమెకు, ‘పెద్ది’ సినిమాలో తన పాత్రపై వచ్చిన విమర్శలను ఎలా తీసుకున్నారనే ప్రశ్న ఎదురైంది. దీనికి జాన్వీ భావోద్వేగంగా స్పందించారు.
సినిమాలోని కొన్ని సన్నివేశాలు మహిళలను తక్కువ చేసి చూపిస్తున్నాయనే విమర్శల నేపథ్యంలో ఆమె తన అభిప్రాయాన్ని వెల్లడించింది. ఈ విషయంలో తాను మరింత గట్టిగా నిలబడాల్సిందని, ముందుగానే తగిన జాగ్రత్తలు తీసుకోవాల్సిందని అంగీకరించింది.
also read:Sai Pallavi:సాయి పల్లవి కాబోయే భర్తలో ఉండాల్సిన లక్షణాలు ఇవే..!
దర్శకులు కూడా బాధ్యతగా ఆలోచించాలి!:
సినిమా నిర్మాణం కోసం ఎంతోమంది కష్టపడతారని, అయితే ఒక సన్నివేశం సమాజంపై ఎలాంటి ప్రభావం చూపుతుందనే విషయాన్ని కూడా దర్శకులు ఆలోచించాలని జాన్వీ అభిప్రాయపడింది. ముఖ్యంగా మహిళా పాత్రలను చిత్రీకరించే విషయంలో మరింత బాధ్యతగా వ్యవహరించాల్సిన అవసరం ఉందని ఆమె చెప్పుకొచ్చింది.
ఈ వివాదం గురించి మాట్లాడుతూ, జరిగిన దానికి ఇతరులను నిందించడం తనకు ఇష్టం లేదని చెప్పుకొచ్చింది. సినీ పరిశ్రమలో కొన్ని సందర్భాల్లో నటీనటులకు సన్నివేశాల చిత్రీకరణ, కెమెరా యాంగిల్స్ గురించి ముందుగానే స్పష్టమైన అవగాహన కల్పిస్తే బాగుంటుందని పేర్కొంది.
also read:Simran Choudhary: యువరాణి గెటప్ లో ఆకట్టుకుంటున్న సిమ్రాన్ చౌదరి.. ఫోటోలు వైరల్!
అభ్యంతరకర సన్నివేశాల్లో మార్పులు కోరాల్సింది:
తనకున్న గుర్తింపును, స్థాయిని ఉపయోగించి అభ్యంతరకరంగా అనిపించిన సన్నివేశాల్లో మార్పులు చేయాలని కోరుండాల్సింది అని జాన్వీ కపూర్ అభిప్రాయపడ్డారు. ఒక నటిగా తన బాధ్యతను మరింత స్పష్టంగా అర్థం చేసుకోవడానికి ఇంకా అనుభవం అవసరమని కూడా ఆమె చెప్పుకొచ్చింది.
బుచ్చిబాబు సానాపై ట్రోలింగ్.. మరోసారి చర్చలోకి ‘పెద్ది’ :
‘పెద్ది’ సినిమాలోని కొన్ని సన్నివేశాల్లో జాన్వీ కపూర్‌ను బోల్డ్‌గా చూపించారంటూ గతంలో దర్శకుడు బుచ్చిబాబు సానాపై కొంతమంది నెటిజన్లు విమర్శలు చేశారు. ఇప్పుడు ఈ అంశంపై జాన్వీ స్పందించినట్లు వస్తున్న వార్తలతో వివాదం మరోసారి చర్చలోకి వచ్చింది.
మహిళా పాత్రల చిత్రీకరణ, నటీనటుల బాధ్యత, దర్శకుల నిర్ణయాలపై ఈ అంశం కొత్త చర్చకు దారితీస్తోంది. మరి ఈ వివాదంపై దర్శకుడు బుచ్చిబాబు సానా ఎలా స్పందిస్తారో చూడాలి..??
Janhvi Kapoor talk about her controversy in Peddi movie at Koffee With Karan show https://t.co/a4NAoBIVUD
— Filmy_Duniya (@ayaanpanda1) October 28, 2026
