vk.naresh:టాలీవుడ్‌లో సూపర్ స్టార్ కృష్ణ కుటుంబానికి ప్రత్యేకమైన గుర్తింపు ఉంది. కృష్ణ, విజయనిర్మల కుటుంబాలతో పాటు మహేష్ బాబు, నరేష్ విజయకృష్ణల మధ్య ఉన్న అనుబంధం గురించి కూడా అభిమానులు ఆసక్తిగా తెలుసుకుంటుంటారు. అయితే కృష్ణ, విజయనిర్మల మరణాల తర్వాత ఘట్టమనేని కుటుంబానికి, నరేష్‌కు మధ్య దూరం పెరిగిందంటూ కొంతకాలంగా వార్తలు ప్రచారంలోకి వచ్చాయి. తాజాగా ఈ అంశంపై నరేష్ విజయకృష్ణ స్పందించారు. మహేష్ బాబుతో తనకు ఎలాంటి విభేదాలు లేవని, తమ మధ్య కుటుంబ అనుబంధం ఇప్పటికీ కొనసాగుతోందని ఆయన స్పష్టం చేశారు.
మహేష్ బాబుతో సంబంధాలపై ప్రశ్న:
సీనియర్ నటుడు నరేష్ విజయకృష్ణ (vk.naresh)తెలుగు సినీ పరిశ్రమలో తనకంటూ ప్రత్యేకమైన గుర్తింపు సంపాదించుకున్నారు. నటుడిగా ఎన్నో విభిన్న పాత్రల్లో కనిపించిన ఆయన, వ్యక్తిగత జీవితానికి సంబంధించిన విషయాలతోనూ తరచూ వార్తల్లో నిలుస్తుంటారు. ఈ నేపథ్యంలో ఓ తాజా ఇంటర్వ్యూలో యాంకర్ ఆయనను మహేష్ బాబుతో ఉన్న సంబంధాల గురించి ప్రశ్నించారు.
కృష్ణ, విజయనిర్మల మరణించిన తర్వాత కుటుంబ సభ్యుల మధ్య మునుపటిలా సాన్నిహిత్యం లేదనే ప్రచారం జరుగుతోందని యాంకర్ ప్రస్తావించారు. దీనికి స్పందించిన నరేష్.. తమ కుటుంబాల మధ్య దూరం పెరిగిందనే వార్తల్లో వాస్తవం లేదని స్పష్టం చేసారు.
also read:Ram Pothineni:రామ్ పోతినేని ప్రేమలో పడ్డాడా? భాగ్యశ్రీ పోస్టుతో మొదలైన కొత్త చర్చ!
మేమంతా ఒకే కుటుంబం :
మహేష్ బాబుతో తనకు ఎలాంటి గ్యాప్ లేదని నరేష్ వెల్లడించారు. తామంతా ఒకే కుటుంబానికి చెందినవారమని, పరస్పరం ప్రేమాభిమానాలతో ఉంటామని ఆయన పేర్కొన్నారు. మా ఇంట్లో ఏదైనా ఫంక్షన్ జరిగితే అందరం కలుస్తాం అని..అలాగే అక్కడ ఏదైనా ఫంక్షన్ జరిగితే అందరు వెళ్తాం అని చెప్పుకొచ్చారు. మహేష్ బాబు తనతో ఎంతో ఆప్యాయంగా వ్యవహరిస్తారని, తమ మధ్య పరస్పర గౌరవం ఎప్పటికీ ఉంటుందని వివరించారు.
కుటుంబ సభ్యుల మధ్య ఉండే అనుబంధాన్ని బయట ప్రచారంలో ఉన్న వార్తల ఆధారంగా అంచనా వేయలేమనే విషయాన్ని నరేష్ వ్యాఖ్యలు సూచిస్తున్నాయి. తమ మధ్య విభేదాలు ఉన్నాయంటూ జరుగుతున్న ప్రచారానికి ఆయన సమాధానం ఇచ్చినట్లయింది.
also read:Samyuktha Menon: చీరకట్టులో అందాలు ఆరబోస్తున్న సంయుక్త!
కృష్ణ మరణం తర్వాత కూడా అదే అనుబంధం :
సూపర్ స్టార్ కృష్ణ జీవించి ఉన్న సమయంలో కుటుంబ సభ్యులందరి మధ్య సాన్నిహిత్యం ఉండేదని, ఆయన మరణించిన తర్వాత కూడా ఆ ప్రేమాభిమానాలు కొనసాగుతున్నాయని నరేష్ పేర్కొన్నారు. విజయనిర్మలతోనూ కుటుంబానికి ప్రత్యేకమైన అనుబంధం ఉండేది. అలాంటి బంధాలు ఒక్కరి మరణంతో ముగిసిపోవని, కుటుంబ సభ్యుల మధ్య గౌరవం, ఆప్యాయత కొనసాగుతాయని ఆయన మాటల సారాంశం.
పుకార్లకు నరేష్ సమాధానం :
సెలబ్రిటీల కుటుంబాలకు సంబంధించి సోషల్ మీడియాలో అనేక రకాల వార్తలు ప్రచారమవుతుంటాయి. అయితే వాటిలో ప్రతి ఒక్కటీ నిజమని భావించలేం. మహేష్ బాబుతో తనకు దూరం పెరిగిందనే ప్రచారంపై నరేష్ ఇచ్చిన వివరణతో ఈ అంశంపై చర్చ మరోసారి మొదలైంది. ఘట్టమనేని కుటుంబంతో తనకు మంచి అనుబంధం ఉందని ఆయన స్పష్టం చేసిన నేపథ్యంలో, కుటుంబ సభ్యుల మధ్య సంబంధాలపై వస్తున్న ఊహాగానాలకు ఆయన వ్యాఖ్యలు సమాధానంగా నిలిచాయి.
