Panchanama:క్రైమ్, ఇన్వెస్టిగేషన్ థ్రిల్లర్ కథలకు ఓటీటీ వేదికలపై ప్రత్యేకమైన ఆదరణ ఉంది. ఆసక్తికరమైన స్క్రీన్ప్లే, ఉత్కంఠభరితమైన మలుపులు, బలమైన పాత్రలతో రూపొందిన సిరీస్లను ప్రేక్షకులు వరుసగా ఎపిసోడ్లు చూస్తూ ఎంజాయ్ చేస్తుంటారు. ఈ జాబితాలో తాజాగా తెలుగు క్రైమ్ ఇన్వెస్టిగేషన్ థ్రిల్లర్ సిరీస్ ‘పంచనామా’ కూడా చేరింది. జీ5లో స్ట్రీమింగ్ అవుతున్న ఈ సిరీస్ ప్రేక్షకులను ఆకట్టుకుంటోంది.
మూడు హత్యల చుట్టూ సాగిన కథ :
మొత్తం ఆరు ఎపిసోడ్లతో రూపొందిన ‘పంచనామా’ (Panchanama)తొలి సీజన్ ఆద్యంతం ఉత్కంఠభరితంగా సాగుతుంది. నగరంలో వరుసగా మూడు హత్యలు జరగడం, వాటి వెనుక ఉన్న మిస్టరీని ఛేదించేందుకు పోలీసులు రంగంలోకి దిగడం కథకు ప్రధాన ఆధారం. అయితే దర్యాప్తు ముందుకు సాగుతున్న కొద్దీ పోలీసులకు ఎలాంటి స్పష్టమైన ఆధారాలు లభించకపోవడం ఆసక్తిని పెంచుతుంది. హత్యల వెనుక అసలు సూత్రధారి ఎవరు? ఈ ఘటనలకు కారణమేంటి? అనే ప్రశ్నలకు సమాధానాలు తెలుసుకునే క్రమంలో కథనం ప్రేక్షకులను చివరి వరకు కట్టిపడేస్తుంది.
భరత్ శ్రీనివాసన్ పవర్ఫుల్ పాత్ర :
యాంకర్, నటి ఉదయభాను నిర్మించి, షో రన్నర్గా వ్యవహరించిన ఈ సిరీస్కు మోహన్ శ్రీవత్స దర్శకత్వం వహించారు. నటుడు భరత్ శ్రీనివాసన్ ఇందులో ఇన్వెస్టిగేషన్ అధికారిగా విభిన్నమైన పాత్రలో కనిపించారు. తనదైన విచారణ పద్ధతి, సహజమైన నటనతో ఆ పాత్రకు మరింత బలాన్ని తీసుకొచ్చారు. నరేష్ కుమారన్ అందించిన నేపథ్య సంగీతం సస్పెన్స్ సన్నివేశాల తీవ్రతను మరింత పెంచింది.
ఆకట్టుకున్న నటీనటులు, టెక్నికల్ టీమ్ :
మేధా రెడ్డి, శివాజీ రాజా, చరణ్ బాబు, రూపా లక్ష్మీ, రాధిక ప్రీతి, సూర్య, శ్రీజ తదితరులు తమ పాత్రలకు తగినట్టుగా నటించారు. సందీప్ కాంత్ సినిమాటోగ్రఫీ సిరీస్కు రిచ్ విజువల్స్ను అందించింది. కథలోని సస్పెన్స్ను ప్రేక్షకులకు మరింత ప్రభావవంతంగా చేరవేయడంలో టెక్నికల్ టీమ్ కీలక పాత్ర పోషించింది.
ALSO READ:Kayadu Lohar: ఒక్క స్టిల్.. మాయలో పడిపోతున్న కుర్ర కారు.. కయాదు లేటెస్ట్ ఫోటో గ్యాలరీ వైరల్!
వారం రోజుల్లోనే 25 మిలియన్ స్ట్రీమింగ్ మినిట్స్ :
పంచనామా’ సిరీస్ సెప్టెంబర్ 11 నుంచి జీ5 ఓటీటీలో స్ట్రీమింగ్ అవుతోంది. విడుదలైన వారం రోజుల్లోనే ఈ క్రైమ్ థ్రిల్లర్ 25 మిలియన్ డిజిటల్ స్ట్రీమింగ్ మినిట్స్ను సొంతం చేసుకున్నట్లు మేకర్స్ వెల్లడించారు. తెలుగు ప్రేక్షకుల నుంచి సిరీస్కు మంచి స్పందన లభిస్తోందని తెలిపారు. ఆసక్తికరమైన కథనం, ఇన్వెస్టిగేషన్ అంశాలు ప్రేక్షకులను ఆకట్టుకుంటున్న నేపథ్యంలో ‘పంచనామా’కు ఓటీటీలో వస్తున్న ఆదరణ ప్రస్తుతం చర్చనీయాంశంగా మారింది. దీంతో ఈ సిరీస్పై మరింత ఆసక్తి పెరుగుతోంది.
ALSO READ:Balakrishna:అనుకున్న తేదీకే బాలయ్య మూవీ..!
సీజన్ 2పై ఆసక్తి:
తొలి సీజన్ ముగింపు కూడా ప్రేక్షకుల్లో ఆసక్తిని పెంచేలా ఉంది. కథకు ముగింపు ఇచ్చినప్పటికీ, మరో పెద్ద కథకు అవకాశం ఉన్నట్లుగా క్లైమాక్స్ను రూపొందించారు. దీంతో ‘పంచనామా’ సీజన్ 2 ఎప్పుడు వస్తుందనే చర్చ మొదలైంది. ఇన్వెస్టిగేషన్, సస్పెన్స్, క్రైమ్ డ్రామాలను ఇష్టపడే ఓటీటీ ప్రేక్షకులకు ఈ సిరీస్ ఆసక్తికరమైన ఎంపికగా నిలుస్తోంది.
