Actor Krishnudu :తెలుగు చిత్రసీమలో సహజమైన నటన, అమాయకత్వంతో కూడిన హాస్యంతో తనకంటూ ప్రత్యేక గుర్తింపు తెచ్చుకున్న నటుడు కృష్ణుడు. పలు సినిమాల్లో కామెడీ, క్యారెక్టర్ ఆర్టిస్ట్గా మెప్పించిన ఆయన.. రీసెంట్ గా బిగ్బాస్ తెలుగు షోలోనూ పాల్గొన్నారు. అయితే హౌస్లోకి వచ్చిన కొద్దికాలానికే ఎలిమినేట్ అయ్యారు. ప్రస్తుతం ఆయన సినిమాల కంటే వ్యక్తిగత జీవితానికి సంబంధించిన కొన్ని విషయాలు సోషల్ మీడియాలో వైరల్గా మారాయి.
జమీందారీ కుటుంబంలో జననం :
కృష్ణుడు(Actor Krishnudu) అసలు పేరు అల్లూరి కృష్ణంరాజు. ఆంధ్రప్రదేశ్లోని తూర్పుగోదావరి జిల్లా రాజోలు తాలూకాలోని చింతలపల్లి గ్రామానికి చెందిన జమీందారీ కుటుంబంలో ఆయన జన్మించారు. ఆయన తండ్రి అల్లూరి సీతారామరాజు కాగా, తల్లి సావిత్రి దేవి. కృష్ణుడి కుటుంబానికి ఈ ప్రాంతంలో పూర్వీకుల నుంచి ఆస్తులు ఉన్నట్లు సమాచారం. ఆయన ముత్తాత అల్లూరి వరాహ వెంకట సూర్యనారాయణ రాజు చిన్నచింతనడ జమీందార్గా వ్యవహరించినట్లు కుటుంబ వివరాలు చెబుతున్నాయి.
రాజభవనాన్ని తలపించే భవనం :
ఇటీవల కృష్ణుడికి సంబంధించిన ఓ ప్రత్యేకమైన భవనం వీడియో సోషల్ మీడియాలో విస్తృతంగా వైరల్ అవుతోంది. చింతలపల్లి గ్రామంలో ఉన్న ఈ భవనం కృష్ణుడి కుటుంబానికి చెందినదిగా తెలుస్తోంది. వీడియోలో కనిపిస్తున్న నిర్మాణం సాధారణ ఇల్లులా కాకుండా ఓ పురాతన రాజభవనాన్ని తలపిస్తోంది. విశాలమైన గదులు, సంప్రదాయ నిర్మాణ శైలి, పెద్ద తలుపులు, చెక్క పనితనం ఈ భవనానికి ప్రత్యేక ఆకర్షణగా నిలుస్తున్నాయి.
also read:Hema:హేమ ఒక్కో సినిమాకు ఎంత రెమ్యూనరేషన్ తీసుకుంటుందో తెలుసా..?
టేకు చెక్కతో ప్రత్యేక నిర్మాణం:
ఈ భవనంలోని తలుపులు, ఇతర నిర్మాణాల్లో టేకు చెక్కను ఉపయోగించినట్లు కృష్ణుడి తల్లి వీడియోలో వివరించారు. పాతకాలపు నిర్మాణ శైలిని ప్రతిబింబించే ఈ భవనంలో అనేక ప్రత్యేకతలు ఉన్నాయని ఆమె చెప్పుకొచ్చారు. ప్రస్తుతం ఇలాంటి నిర్మాణాలు చాలా అరుదుగా కనిపిస్తుండటంతో ఈ వీడియో నెటిజన్లను ఆకట్టుకుంటోంది.
భవనం చుట్టూ విస్తారమైన పచ్చదనం, చెట్లు, తోటలు ఉండటం మరో ప్రత్యేకత. ప్రశాంతమైన వాతావరణం, పక్షుల కిలకిలారావాలతో ఈ ప్రదేశం ఎంతో ఆహ్లాదకరంగా కనిపిస్తోంది. దీంతో కృష్ణుడి కుటుంబానికి సంబంధించిన ఈ పురాతన భవనం గురించి నెటిజన్లు ఆసక్తిగా చర్చించుకుంటున్నారు.
also read:Chiranjeevi:ఫరియాపై చిరంజీవి సెటైర్.. ఆ మాటతో ఒక్కసారిగా నవ్వులు!
సినిమాల్లోకి ఇలా..:
కృష్ణుడు బెంగళూరులో ఆటోమొబైల్ ఇంజనీరింగ్లో డిప్లొమా పూర్తి చేశారు. సినిమాలపై ఆసక్తితో హైదరాబాద్కు వచ్చిన ఆయన.. తొలినాళ్లలో ఫోటోగ్రఫీ స్టూడియో నిర్వహించడంతో పాటు అసిస్టెంట్ డైరెక్టర్గా కూడా పనిచేశారు.
ఆ తర్వాత ‘హ్యాపీ డేస్’, ‘పోకిరి’, ‘షాక్’, ‘వాన’, ‘యువత’, ‘ఓయ్!’ వంటి చిత్రాల్లో కామెడీ పాత్రలు చేస్తూ గుర్తింపు తెచ్చుకున్నారు. 2008లో విడుదలైన ‘వినాయకుడు’ సినిమాతో హీరోగా పరిచయమై మంచి విజయాన్ని అందుకున్నారు. అనంతరం ‘విలేజ్లో వినాయకుడు’, ‘స్నేహగీతం’, ‘పప్పు’ వంటి చిత్రాల్లో ప్రధాన పాత్రలు పోషించారు.
అలాగే ‘ఆర్య 2’, ‘ఏ మాయ చేశావే’, ‘మిస్టర్ పర్ఫెక్ట్’, ‘ఎటో వెళ్లిపోయింది మనసు’, ‘మనం’, ‘గోపాల గోపాల’ తదితర చిత్రాల్లోనూ కృష్ణుడు కీలక పాత్రల్లో కనిపించారు. ప్రస్తుతం ఆయన కుటుంబానికి సంబంధించిన ఈ పురాతన భవనం వీడియో సోషల్ మీడియాలో వైరల్గా మారింది.
View this post on Instagram
