Ramu rathod:తెలంగాణ జానపద పాటలకు సోషల్ మీడియాలో రోజురోజుకూ ఆదరణ పెరుగుతోంది. ముఖ్యంగా మన ప్రాంతీయ యాస, సంప్రదాయాలు, మట్టి వాసనను ప్రతిబింబించే పాటలు యువతను విశేషంగా ఆకట్టుకుంటున్నాయి. ఈ క్రమంలో ఓ తెలంగాణ జానపద గీతం డిజిటల్ ప్రపంచంలో సరికొత్త చరిత్ర సృష్టిస్తోంది. సినిమా పాటలకు ఏమాత్రం తీసిపోని విధంగా భారీ సంఖ్యలో వీక్షణలను సాధిస్తూ అందరి దృష్టిని ఆకర్షిస్తోంది. అదే ‘రాను బొంబాయికి రాను’ అనే జానపద గీతం. ఏకంగా టాలీవుడ్లో సంచలనం సృష్టించిన ‘బుట్ట బొమ్మ’ పాట వ్యూస్ను అధిగమించడం ఇప్పుడు హాట్ టాపిక్గా మారింది.
956 మిలియన్లకు పైగా వ్యూస్..:
‘రాను బొంబాయికి రాను’ పాటకు ప్రేక్షకుల నుంచి అద్భుతమైన స్పందన లభిస్తోంది. ఇప్పటివరకు ఈ పాట 956 మిలియన్లకు పైగా వ్యూస్ సాధించినట్లు సమాచారం. ఒక ప్రాంతీయ జానపద గీతం ఈ స్థాయిలో ఆదరణ పొందడం విశేషంగా చెప్పుకోవచ్చు. ఎలాంటి భారీ సినిమా ప్రచారం లేకుండానే డిజిటల్ వేదికపై ఇంతటి గుర్తింపు సంపాదించడం ఈ పాట ప్రత్యేకతగా నిలుస్తోంది. తెలంగాణ జానపద సంగీతానికి ఉన్న బలాన్ని, మన సంస్కృతి సంప్రదాయాలపై యువతకు ఉన్న ఆసక్తిని ఈ విజయం మరోసారి చాటిచెబుతోంది.ఇందులో రాము రాథోడ్ (Ramu rathod), లికిత కలిసి కనిపించారు.
also read:Kalki 2:నైజాంలో ప్రభాస్ సరికొత్త రికార్డ్.. రూ.108 కోట్లకు ‘కల్కి 2’ బిజినెస్!
‘బుట్ట బొమ్మ’ రికార్డు బద్దలు..:
అల్లు అర్జున్ హీరోగా నటించిన ‘అల వైకుంఠపురములో’ సినిమాలోని ‘బుట్ట బొమ్మ’ పాట అప్పట్లో దేశవ్యాప్తంగా ఎంతటి సంచలనం సృష్టించిందో తెలిసిందే. తమన్ అందించిన సంగీతం, ఆకట్టుకునే బాణీ, అల్లు అర్జున్ వేసిన స్టైలిష్ స్టెప్పులు ఈ పాటను ప్రత్యేకంగా నిలిపాయి. పూజా హెగ్డే అందాలు కూడా పాటకు మరింత ఆకర్షణ తీసుకొచ్చాయి.
విడుదలైనప్పటి నుంచి యూట్యూబ్లో దూసుకెళ్లిన ఈ పాట ఆరేళ్లలో సుమారు 955 మిలియన్ల వీక్షణలను సాధించింది. అయితే తాజాగా ‘రాను బొంబాయికి రాను’ పాట ఈ సంఖ్యను అధిగమించి 956 మిలియన్లకు పైగా వ్యూస్తో ముందంజలో నిలిచినట్లు తెలుస్తోంది. దీంతో సినిమా పాటలతో పోటీపడి ఓ జానపద గీతం సాధించిన ఈ విజయం చర్చనీయాంశంగా మారింది.
also read:Rohit Naidu:”ఇక బిగ్ బాస్ హౌస్లో కనిపించను”.. రోహిత్ సంచలన ప్రకటన!
‘కుర్చీ మడతపెట్టి’ పాటకు కూడా భారీ క్రేజ్..:
మరోవైపు మహేశ్ బాబు, శ్రీలీల జంటగా నటించిన ‘గుంటూరు కారం’ సినిమాలోని ‘కుర్చీ మడతపెట్టి’ పాట కూడా యూట్యూబ్లో భారీ ఆదరణ పొందింది. ఈ పాట సుమారు 846 మిలియన్ల వ్యూస్తో అత్యధిక వీక్షణలు సాధించిన తెలుగు పాటల జాబితాలో ప్రముఖ స్థానంలో కొనసాగుతోంది.
మొత్తానికి తెలంగాణ జానపద గీతం సాధించిన ఈ ఘనత ప్రాంతీయ సంగీతానికి పెరుగుతున్న ఆదరణకు నిదర్శనంగా నిలుస్తోంది. మన మట్టి నుంచి పుట్టిన పాటలు ప్రపంచవ్యాప్తంగా శ్రోతలను అలరించగలవని ‘రాను బొంబాయికి రాను’ మరోసారి నిరూపిస్తోంది.




