Raghava Lawrence:సినీ పరిశ్రమలో నటుడిగా, దర్శకుడిగా, కొరియోగ్రాఫర్గా ఎంతో మంది అభిమానులను సంపాదించుకున్న రాఘవ లారెన్స్, తన రాజకీయ ప్రయాణంపై వస్తున్న వార్తలకు ఎట్టకేలకు చెక్ పెట్టారు. తమిళనాడు ముఖ్యమంత్రి విజయ్ నేతృత్వంలోని ‘తమిళగ వెట్రి కజగం’ (TVK) పార్టీ తరఫున తాను ట్రిచీ ఈస్ట్ అసెంబ్లీ నియోజకవర్గ ఉప ఎన్నికలో పోటీ చేయబోతున్నట్లు వస్తున్న రూమర్లపై ఆయన స్పష్టత ఇచ్చారు. ఈ మేరకు లారెన్స్ ఒక సుదీర్ఘ వీడియోను విడుదల చేస్తూ సంచలన వ్యాఖ్యలు చేశారు.
ఈరోజే వచ్చి ఎమ్మెల్యే అవ్వడం ధర్మం కాదు:
తిరుచ్చి ఈస్ట్ సీటు నుండి తాను బరిలోకి దిగుతున్నట్లు వస్తున్న వదంతులను లారెన్స్ పూర్తిగా ఖండించారు. “ఈరోజే రాజకీయాల్లోకి వచ్చేసి, వెంటనే ఎమ్మెల్యే సీటు ఆశించడం నా రాజకీయ ధర్మానికి విరుద్ధం” అని ఆయన పేర్కొన్నారు. ముఖ్యమంత్రి విజయ్ ఖాళీ చేసిన ఈ స్థానంలో పోటీ చేసే అర్హత పార్టీ కోసం ఎన్నేళ్లుగానో కష్టపడుతున్న అంకితభావం గల కార్యకర్తలకే దక్కాలని ఆయన నొక్కి చెప్పారు.
ALSO READ:Lenin trailer: ఆకట్టుకుంటున్న అఖిల్ లెనిన్ ట్రైలర్.. అక్కినేని ఫ్యాన్స్ చూశారా?
మొక్క నాటిన వాడే పండు తినాలి:
తన నిర్ణయాన్ని వివరిస్తూ లారెన్స్ ఒక చక్కని ఉదాహరణ చెప్పారు. “ఒక వ్యక్తి విత్తనం నాటి, అది మొలకెత్తేలా చూసి, దానికి కంచె వేసి కాపాడి పెద్ద చెట్టును చేస్తే.. ఆ చెట్టుకు కాసిన పండ్లను వేరే ఎవరో వచ్చి కోసుకుని తినడం కరెక్ట్ కాదు. ఇక విత్తనం నాటిన వాడే ఆ పండును ఆస్వాదించాలి” అని అన్నారు. పార్టీ కోసం మొదటి నుండి కష్టపడిన వారికే ఈ సీటు దక్కాలని, అప్పుడే దానికి ఒక విలువ ఉంటుందని ఆయన అభిప్రాయపడ్డారు.
ALSO READ:Lenin trailer: ఆకట్టుకుంటున్న అఖిల్ లెనిన్ ట్రైలర్.. అక్కినేని ఫ్యాన్స్ చూశారా?
రాజకీయాల్లోకి వస్తే సాధారణ కార్యకర్తగానే:
రాజకీయాల్లోకి రావడంపై తన ఆలోచనలను కూడా లారెన్స్ బయటపెట్టారు. భవిష్యత్తులో ఒకవేళ పాలిటిక్స్ లోకి అడుగుపెట్టాల్సి వస్తే, తాను నేరుగా పెద్ద పదవులు ఆశించనని చెప్పారు. మొదట ఒక సాధారణ కార్యకర్తలా పార్టీలో చేరి, మూడు నాలుగు సంవత్సరాల పాటు క్షేత్రస్థాయిలో ప్రజల కోసం పనిచేస్తానని.. ఆ తర్వాతే పార్టీ అధిష్టానం నమ్మకాన్ని గెలుచుకుని ఎలాంటి బాధ్యతనైనా తీసుకుంటానని స్పష్టం చేశారు.
ప్రెస్ మీట్ వివాదాలు, సేవా కార్యక్రమాలపై వివరణ:
ఇటీవల తన ప్రెస్ మీట్ చుట్టూ జరిగిన కొన్ని వివాదాలపై కూడా లారెన్స్ ఈ వీడియోలో స్పందించారు. కొన్ని ప్రతికూల వదంతులను తొలగించడానికి, తాను గత రెండు దశాబ్దాలుగా రాజగోపాల్ అనే దివ్యాంగుడికి అందిస్తున్న ఆర్థిక సహాయాన్ని ఈ సందర్భంగా గుర్తుచేశారు. ఇక తన తల్లి, స్నేహితులు, తన స్వచ్ఛంద సంస్థ సభ్యుల కోరిక మేరకే ఈ 16 నిమిషాల సుదీర్ఘ వివరణ వీడియోను రిలీజ్ చేయాల్సి వచ్చిందని లారెన్స్ తెలిపారు.
ఫలితం ఆశించకుండా నీ బాధ్యత నువ్వు నిర్వర్తించు అనే సిద్ధాంతాన్ని నమ్మే లారెన్స్, ట్రిచీ ఈస్ట్ ఉప ఎన్నికల రేసు నుండి తప్పుకుని నిజమైన రాజకీయ విలువలను చాటుకున్నారు. ఇక వెంటనే పదవులు కోరుకోకుండా, కార్యకర్తలకు గౌరవం ఇవ్వాలనే ఆయన నిర్ణయం ఇప్పుడు రాజకీయ వర్గాల్లో ప్రశంసలు అందుకుంటోంది..
https://www.instagram.com/reel/DaMzUygBk5w/?igsh=d2VoNWNvOHEwN2Y=
