Chiranjeevi:మెగాస్టార్ చిరంజీవి తెలుగు సినీ పరిశ్రమలో తనకంటూ ప్రత్యేక గుర్తింపు సంపాదించుకున్నారు. ఎన్నో దశాబ్దాలుగా స్టార్ హీరోగా కొనసాగుతున్న ఆయన ప్రయాణం ఇప్పటికీ ఎంతోమందికి స్ఫూర్తిగా నిలుస్తోంది. నటుడిగా మాత్రమే కాకుండా సేవా కార్యక్రమాల్లోనూ చిరంజీవి ముందుంటారు. ఇదిలా ఉంటే, సోషల్ మీడియాలో ఆయనపై అప్పుడప్పుడు ట్రోల్స్, మీమ్స్ కనిపిస్తుంటాయి. కొందరు హీరోలు, దర్శకులు, నిర్మాతలను ఎదగనీయకుండా చిరంజీవి అడ్డుకుంటున్నారంటూ గతంలో సోషల్ మీడియాలో కామెంట్స్ కూడా వచ్చాయి. అయితే ఇలాంటి ట్రోల్స్ను చిరంజీవి పలు సందర్భాల్లో సరదాగా తీసుకున్న విషయం తెలిసిందే.
ఫరియాతో చిరు ఫన్ :
తాజాగా ‘సిగ్మా’ ప్రీ రిలీజ్ ఈవెంట్లో చిరంజీవి(Chiranjeevi) చేసిన వ్యాఖ్యలు సోషల్ మీడియాలో వైరల్గా మారాయి. హైదరాబాద్లో శుక్రవారం రాత్రి జరిగిన ఈ కార్యక్రమానికి ఆయన ముఖ్య అతిథిగా హాజరయ్యారు. ఈ సందర్భంగా హీరోయిన్ ఫరియా అబ్దుల్లా గురించి చిరంజీవి మాట్లాడుతూ సరదాగా సెటైర్లు వేశారు.
‘విశ్వంభర’ సినిమాలో తనతో కలిసి డ్యాన్స్ చేసే అవకాశం ఫరియాకు రాలేదని ప్రస్తావించిన చిరంజీవి.. అందుకు కారణం హైట్ సమస్య కాదని అన్నారు. ‘‘నువ్వే నో చెప్పావా? లేదంటే నన్నేమైనా తొక్కేయాలని చూస్తున్నావా?’’ అంటూ సరదాగా ప్రశ్నించారు. దీనికి ఫరియా నవ్వుతూ ‘‘లేదు సార్’’ అని సమాధానం ఇచ్చారు. వెంటనే చిరంజీవి కూడా నవ్వుతూ ‘‘అలాంటి ప్రయత్నమేమీ కాదు కదా’’ అంటూ మరోసారి ఫన్ చేశారు. దీంతో అక్కడ నవ్వులు పూశాయి.
also read:Rashmi Gautam: చీర చెప్పిన స్టోరీ.. బ్యాక్ అందాలతో గిలిగింతలు పెడుతున్న రష్మి గౌతమ్!
సోషల్ మీడియాలో వైరల్:
ప్రస్తుతం చిరంజీవి, ఫరియా మధ్య జరిగిన ఈ సరదా సంభాషణకు సంబంధించిన వీడియో సోషల్ మీడియాలో వైరల్గా మారింది. ఈ వీడియోపై అభిమానులు, నెటిజన్లు ఆసక్తికరంగా స్పందిస్తున్నారు. ముఖ్యంగా సోషల్ మీడియాలో తనపై వచ్చే ట్రోల్స్, మీమ్స్ను చిరంజీవి కూడా గమనిస్తుంటారని పలువురు కామెంట్స్ చేస్తున్నారు.
తనపై ఎలాంటి విమర్శలు వచ్చినా వాటిని సీరియస్గా తీసుకోకుండా సరదాగా స్వీకరించే స్వభావం చిరంజీవికి ఉందని అభిమానులు చెబుతున్నారు. తాజాగా ఫరియాతో జరిగిన సంభాషణలోనూ ఆయన అదే తరహా హాస్యభావాన్ని ప్రదర్శించడంతో ఈ వీడియో మరింతగా వైరల్ అవుతోంది. చిరంజీవి స్పందించిన తీరు నెటిజన్లను ఆకట్టుకుంటోంది.
దీంతో ఈ వీడియోకు సంబంధించిన కామెంట్స్, పోస్టులు సోషల్ మీడియాలో విస్తృతంగా కనిపిస్తున్నాయి. అభిమానులు కూడా మెగాస్టార్ హాస్యచతురతను ప్రశంసిస్తున్నారు. ఈ సరదా ఘటన ఇప్పుడు నెట్టింట హాట్ టాపిక్గా మారింది.
also read:Varanasi Movie:మహేశ్ వారణాసి సినిమాలో 30 నిమిషాల సీన్..!
‘సిగ్మా’పై భారీ అంచనాలు :
ఇక ‘సిగ్మా’ విషయానికి వస్తే.. తమిళనాడు ముఖ్యమంత్రి విజయ్ కుమారుడు జేసన్ సంజయ్ ఈ సినిమాతో దర్శకుడిగా పరిచయం అవుతున్నారు. సందీప్ కిషన్ హీరోగా నటిస్తున్న ఈ యాక్షన్ అడ్వెంచర్ మూవీలో ఫరియా అబ్దుల్లా హీరోయిన్గా కనిపించనున్నారు. సంపత్ రాజ్, రాజు సుందరం, అన్బు దాసన్, యోగ్ జేపీ, కిరణ్ కొండ, మహాలక్ష్మి సుదర్శనన్ తదితరులు కీలక పాత్రలు పోషించారు. లైకా ప్రొడక్షన్స్ బ్యానర్పై సుభాస్కరన్ ఈ చిత్రాన్ని నిర్మించారు.
డ్రగ్స్ మాఫియా వెనుక ఉన్న కింగ్పిన్, రూ.500 కోట్ల భారీ రాకెట్ చుట్టూ సాగే యాక్షన్ డ్రామాగా ‘సిగ్మా’ తెరకెక్కింది. ఇప్పటికే విడుదలైన ట్రైలర్ సినిమాపై ఆసక్తిని మరింత పెంచింది. భారీ యాక్షన్, ఉత్కంఠభరిత సన్నివేశాలతో రూపొందిన ఈ చిత్రం అక్టోబర్ 2న ప్రపంచవ్యాప్తంగా గ్రాండ్గా ప్రేక్షకుల ముందుకు రానుంది.
#dailagueoftheday pic.twitter.com/fGvL834YGg
— devipriya (@sairaaj44) September 25, 2026
