Anirudh:తమిళ సినీ పరిశ్రమలో ప్రముఖ సంగీత దర్శకుడు అనిరుధ్ రవిచందర్, కావ్య మారన్ వివాహానికి సంబంధించిన వార్తలు ప్రస్తుతం హాట్ టాపిక్‌గా మారాయి. వీరిద్దరూ త్వరలో వివాహ బంధంలోకి అడుగుపెట్టనున్నారంటూ సోషల్ మీడియాలో విస్తృతంగా ప్రచారం జరుగుతోంది. ఈ నేపథ్యంలో పెళ్లి తేదీ, వేడుకలకు సంబంధించిన పలు ఆసక్తికర విషయాలు తెరపైకి వస్తున్నాయి. నవంబర్ నెలలో వీరి వివాహ వేడుకలు జరిగే అవకాశం ఉందని కొన్ని మీడియా కథనాలు పేర్కొంటున్నాయి. అంతేకాకుండా, చెన్నైలోని ప్రముఖ హోటల్‌లో గ్రాండ్ రిసెప్షన్ నిర్వహించనున్నట్లు కూడా వార్తలు వినిపిస్తున్నాయి. ఈ వేడుకకు సినీ ప్రముఖులు, వ్యాపార రంగానికి చెందిన ప్రముఖులు హాజరయ్యే అవకాశముందని ప్రచారం సాగుతోంది. అయితే, అనిరుధ్, కావ్య మారన్ వివాహానికి సంబంధించి ఇంతవరకు వారిద్దరి నుంచి కానీ, వారి కుటుంబ సభ్యుల నుంచి కానీ ఎలాంటి అధికారిక ప్రకటన వెలువడలేదు.
నవంబర్ 11న పెళ్లి.. 21న గ్రాండ్ రిసెప్షన్? :
ప్రచారంలో ఉన్న కథనాల ప్రకారం, అనిరుధ్(Anirudh) రవిచందర్, కావ్య మారన్ వివాహం నవంబర్ 11న జరగనుందని సమాచారం. అనంతరం నవంబర్ 21న చెన్నైలో ఘనంగా రిసెప్షన్ నిర్వహించనున్నట్లు వార్తలు వస్తున్నాయి. ఈ వేడుకకు సినీ పరిశ్రమకు చెందిన ప్రముఖులతో పాటు రాజకీయ, వ్యాపార రంగాల ప్రముఖులను కూడా ఆహ్వానించే అవకాశం ఉందని ప్రచారం జరుగుతోంది.
also read:Dhanush – Aishwarya:మళ్లీ కలిసిపోతున్న ధనుష్ -ఐశ్వర్య..!
సన్నిహితుల మధ్యే వివాహ వేడుక? :
వివాహాన్ని కుటుంబ సభ్యులు, అత్యంత సన్నిహితుల సమక్షంలో నిర్వహించాలని భావిస్తున్నట్లు తెలుస్తుంది. పెళ్లి వేడుకను పరిమిత సంఖ్యలో అతిథులతో జరిపి, ఆ తర్వాత పెద్ద ఎత్తున రిసెప్షన్ నిర్వహించవచ్చనే అంచనాలు వ్యక్తమవుతున్నాయి. మొదట ఈ జంట వివాహం అనంతరం రెండు లేదా మూడు రోజుల తరువాత రిసెప్షన్లు ఏర్పాటు చేయనున్నట్లు తెలుస్తుంది. అయితే తాజాగా వేడుకల ప్రణాళికలో మార్పులు ఉండవచ్చని తెలుస్తుంది.
also read:Trivikram:ఎన్టీఆర్ మూవీ పై.. అదిరిపోయే న్యూస్ చెప్పిన త్రివిక్రమ్..!
నవంబర్ 22న ప్రత్యేక గెట్‌టుగెదర్? :
అనిరుధ్ రవిచందర్ తన సన్నిహిత స్నేహితుల కోసం ప్రత్యేకంగా గెట్‌టుగెదర్ ఏర్పాటు చేయనున్నట్లు ప్రచారం జరుగుతోంది. నవంబర్ 22న చెన్నైలోని ఐటీసీ చోళా హోటల్‌లో ఈ సమావేశం నిర్వహించే అవకాశం ఉందని సినీ వర్గాల్లో చర్చ నడుస్తోంది. మరోవైపు, సన్ గ్రూప్ అధినేత కళానిధి మారన్ కూడా తన సంస్థ ఉద్యోగుల కోసం ప్రత్యేక విందు ఏర్పాటు చేయనున్నట్లు వార్తలు వినిపిస్తున్నాయి. అయితే, ఈ కార్యక్రమాలపై అధికారిక ప్రకటన వెలువడాల్సి ఉంది.
అనిరుధ్, కావ్య మారన్‌పై ఎందుకింత ఆసక్తి? :
అనిరుధ్ రవిచందర్ తనదైన సంగీతంతో తమిళంతో పాటు తెలుగు, ఇతర భాషల ప్రేక్షకుల్లోనూ మంచి గుర్తింపు సంపాదించుకున్నారు. ఆయన సంగీతం అందించిన పలు చిత్రాలు భారీ విజయాలు సాధించడంతో ఆయనకు దేశవ్యాప్తంగా అభిమానులు ఉన్నారు. మరోవైపు కావ్య మారన్ పేరు క్రికెట్, వ్యాపార రంగాలతో ముడిపడి ఉంది. ఈ నేపథ్యంలో వీరిద్దరి వివాహంపై వస్తున్న వార్తలు అభిమానుల్లో ఆసక్తిని పెంచుతున్నాయి.
