Chiranjeevi :మెగాస్టార్ చిరంజీవి తదుపరి సినిమాపై టాలీవుడ్‌లో ఆసక్తి రోజురోజుకూ పెరుగుతోంది. వరుసగా పలువురు దర్శకుల పేర్లు వినిపిస్తున్న నేపథ్యంలో తాజాగా తమిళ దర్శకుడు కార్తీక్ సుబ్బరాజ్ పేరు తెరపైకి వచ్చింది. చిరంజీవిని కలిసిన కార్తీక్.. ఆయన కోసం సిద్ధం చేసిన ఓ కథను వినిపించినట్లు సినీ వర్గాల్లో ప్రచారం జరుగుతోంది. దాదాపు రెండున్నర గంటల పాటు సాగిన ఈ కథా చర్చలో సినిమాకు సంబంధించిన కీలక అంశాలను దర్శకుడు వివరించినట్లు సమాచారం. దీంతో ఈ కాంబో పై సోషల్ మీడియాలో వార్తలు వినిపిస్తున్నాయి.
విభిన్న కథలతో ప్రత్యేక గుర్తింపు :
కార్తీక్ సుబ్బరాజ్‌కు ప్రయోగాత్మక కథలను కమర్షియల్ అంశాలతో మేళవించే దర్శకుడిగా పేరుంది. ‘పిజ్జా’, ‘జిగర్తాండ’, ‘పేట’, ‘మహాన్’ వంటి చిత్రాలతో ఆయన తనదైన మేకింగ్ శైలిని ప్రేక్షకులకు పరిచయం చేశారు. కథను బట్టి ట్రీట్‌మెంట్ మార్చడం, పాత్రలకు బలమైన క్యారెక్టరైజేషన్ ఇవ్వడం ఆయన సినిమాల్లో కనిపించే ప్రధాన లక్షణాలుగా చెప్పొచ్చు.
ఇటీవల వచ్చిన ‘డోరతి’ చిత్రంతోనూ కార్తీక్ తన మేకింగ్‌లోని వైవిధ్యాన్ని మరోసారి చూపించినట్లు సినీ వర్గాలు పేర్కొంటున్నాయి. కథలోని భావోద్వేగాలను తెరపై ఆవిష్కరించిన తీరు, విభిన్నమైన ట్రీట్‌మెంట్‌కు ఈ సినిమాకు మంచి స్పందన లభించినట్లు సమాచారం.
also read:Tollywood:టాలీవుడ్ ఇండస్ట్రీలో కొత్త ప్రేమ పక్షులు.. జోడి సూపర్..!
చిరంజీవిని ఏ కోణంలో చూపిస్తారో? :
చిరంజీవి కోసం కార్తీక్ సుబ్బరాజ్ కథ సిద్ధం చేశారనే వార్త ఇప్పుడు అభిమానుల్లోనూ ఆసక్తిని పెంచుతోంది. మెగాస్టార్ ఇమేజ్‌కు తగ్గట్టుగా భారీ కమర్షియల్ కథను రూపొందించారా? లేక ఇప్పటివరకు చూడని కొత్త కోణంలో చిరంజీవిని ( Chiranjeevi )చూపించేందుకు ప్రయత్నించారా? అనేది తెలియాల్సి ఉంది.
ఒకవేళ చిరంజీవి ఈ ప్రాజెక్ట్‌కు గ్రీన్ సిగ్నల్ ఇస్తే.. కార్తీక్ సుబ్బరాజ్ టేకింగ్‌లో మెగాస్టార్‌ను చూడటం ప్రత్యేకమైన కాంబినేషన్‌గా నిలిచే అవకాశం ఉంది.
also read:Dhanush:కొత్త పార్టీకి పేరు రిజిస్టర్ చేయించిన ధనుష్.. పొలిటికల్ ఎంట్రీ ఖాయమేనా?
కొనసాగుతున్న తదుపరి సినిమా సస్పెన్స్ :
ప్రస్తుతం మెగాస్టార్ చిరంజీవి తదుపరి చిత్రంపై టాలీవుడ్‌లో ఆసక్తికర చర్చ జరుగుతోంది. ఆయనతో సినిమా చేయబోయే దర్శకుడు ఎవరనే విషయంపై వరుసగా పలు పేర్లు వినిపిస్తున్నాయి. శ్రీకాంత్ ఓదెల దర్శకత్వంలో చిరంజీవి సినిమా చేయాల్సి ఉన్నప్పటికీ.. ఈ ప్రాజెక్ట్ ఇప్పటివరకు పట్టాలెక్కలేదు.
మరోవైపు దర్శకుడు బుచ్చిబాబు కూడా చిరంజీవికి ఓ కథ వినిపించినట్లు గతంలో వార్తలు వచ్చాయి. తాజాగా ఈ జాబితాలో తమిళ దర్శకుడు కార్తీక్ సుబ్బరాజ్ పేరు కూడా చేరింది. చిరంజీవిని ఆయన కలసి కథ గురించి చర్చించినట్లు ప్రచారం జరుగుతోంది. దీంతో మెగాస్టార్ నెక్ట్స్ ప్రాజెక్ట్ ఎవరితో ఉండబోతుందనే అంశంపై అభిమానుల్లో మరింత ఆసక్తి నెలకొంది. అయితే ఈ ప్రాజెక్ట్‌పై ఇప్పటివరకు అధికారిక ప్రకటన రాలేదు. అయితే కథ విన్న అనంతరం చిరంజీవి నుంచి ప్రాజెక్ట్‌పై తుది నిర్ణయం వెలువడలేదని తెలుస్తోంది. దీంతో ఈ కాంబినేషన్ నిజంగానే సెట్స్‌పైకి వెళ్తుందా? లేదా అనేది ప్రస్తుతం ఆసక్తికరంగా మారింది.
