Ramayana :బాలీవుడ్లో అత్యంత ప్రతిష్ఠాత్మకంగా తెరకెక్కుతున్న ‘రామాయణ’ (Ramayana )సినిమా విడుదలకు ముందే భారీ చర్చకు దారి తీసింది. భారీ బడ్జెట్తో రూపొందుతున్న ఈ చిత్రంపై దేశవ్యాప్తంగా మాత్రమే కాకుండా అంతర్జాతీయ స్థాయిలో కూడా అంచనాలు నెలకొన్నాయి. అధికారిక ట్రైలర్ విడుదలకు ఇంకా కొద్ది రోజులు ఉండగానే, చిత్రానికి సంబంధించిన కొన్ని వీడియో క్లిప్స్ సోషల్ మీడియాలో లీక్ కావడంతో అభిమానుల్లో మరింత ఉత్సాహం కనిపిస్తోంది.
మీడియా ప్రివ్యూలో జరిగిన లీక్:
చిత్ర బృందం జూలై 24న ట్రైలర్ను విడుదల చేయనున్న నేపథ్యంలో ‘ప్రథమ్ సంకల్ప్’ పేరుతో ప్రత్యేక కార్యక్రమాన్ని నిర్వహించింది. ఈ ఈవెంట్కు ఎంపిక చేసిన మీడియా ప్రతినిధులకు మాత్రమే ట్రైలర్ను ప్రదర్శించారు. ఎలాంటి రికార్డింగ్ జరగకుండా మొబైల్ ఫోన్ల వినియోగంపై కఠిన నిబంధనలు అమలు చేసినప్పటికీ, కొందరు రహస్యంగా కొన్ని దృశ్యాలను రికార్డ్ చేసినట్లు తెలుస్తోంది. ఆ క్లిప్స్ ప్రస్తుతం సోషల్ మీడియాలో విస్తృతంగా చక్కర్లు కొడుతున్నాయి.
also read:Vikram:జాతీయ చలనచిత్ర పురస్కారాల్లో ‘తంగలాన్’కు నిరాశ..కావాలనే లేపేశారా..?
విజువల్స్కు ప్రేక్షకుల ప్రశంసలు:
లీకైన దృశ్యాల్లో కనిపించిన విజువల్ ఎఫెక్ట్స్, సెట్లు, సినిమాటోగ్రఫీ ప్రేక్షకులను విశేషంగా ఆకట్టుకుంటున్నాయి. ముఖ్యంగా జటాయువు సన్నివేశం, సీత పాత్రకు సంబంధించిన కొన్ని భావోద్వేగ క్షణాలు, యుద్ధ సన్నివేశాల విజువల్స్ అద్భుతంగా ఉన్నాయని నెటిజన్లు కామెంట్లు చేస్తున్నారు. ప్రతి ఫ్రేమ్ అత్యున్నత సాంకేతిక నాణ్యతతో రూపొందించబడిందని అభిప్రాయపడుతున్నారు.
also read:Rakul Preet Singh:జీవితం కంటే గొప్పది అందులో భాగమవడమే.. ముద్దొచ్చేస్తున్న రకుల్!
యశ్ రావణుడిగా.. సాయి పల్లవి సీతగా ఆకట్టుకున్న లుక్స్:
అయితే లీకైన క్లిప్స్లో ముఖ్యంగా యశ్ ఫస్ట్ లుక్ ప్రేక్షకులను ఆకట్టుకుంది. రావణుడి పాత్రకు ఆయన రూపం, గంభీరమైన స్క్రీన్ ప్రెజెన్స్ ప్రత్యేక ఆకర్షణగా నిలిచాయి. అదే సమయంలో సాయి పల్లవి సీత పాత్రలో ఎంతో సహజంగా కనిపించడంతో ఆమె నటనపై కూడా ప్రశంసలు వెల్లువెత్తుతున్నాయి. లీక్ ఘటనపై చిత్ర నిర్మాణ సంస్థ ఇప్పటివరకు ఎలాంటి అధికారిక ప్రకటన చేయలేదు. అయినప్పటికీ, అధికారిక ట్రైలర్ విడుదలకు ముందే ఈ స్థాయిలో చర్చ జరగడం సినిమాపై ఉన్న ఆసక్తిని మరింత పెంచింది.
ట్రైలర్ రిలీజ్ కోసం అప్పటివరకు ఆగాల్సిందే..
రెండు భాగాలుగా రాబోతున్న రామాయణ చిత్రాన్ని ఈ ఏడాది మొదటి భాగం దీపావళి సందర్భంగా విడుదల చేయబోతున్నారు. ఇప్పటికే ఈ సినిమా పైన భారీ అంచనాలు ఏర్పడ్డాయి. ఇప్పటివరకు విడుదలైన అప్డేట్లకు పాజిటివ్ రెస్పాన్స్ లభించడంతో రాబోయే ట్రైలర్ పైన మరింత ఉత్కంఠత పెరిగిపోతోంది. ముఖ్యంగా విజువల్ వండర్ గా ఈ సినిమా ఉండబోతుందని సినీ ప్రముఖులు, ప్రేక్షకులు కూడా ప్రశంసలు కురిపిస్తున్నారు. మరి ట్రైలర్ విడుదలైన తరువాత ఏ విధంగా ఆడియన్స్ ని ఆకట్టుకుంటుందో చూడాలి మరి.
Ohhhhhh 🚨
Leaked Clip of #RamayanaTrailer 🔥#Ramayana #RanbirKapoor #Yash pic.twitter.com/GLINCMwIwo
— Always Bollywood (@AlwaysBollywood) July 18, 2026
