Sandeep Reddy:సందీప్ రెడ్డి వంగా.. ఈ పేరు టాలీవుడ్లోనే కాదు, ఇండియన్ సినిమా ఇండస్ట్రీలోనూ ఒక ప్రత్యేక బ్రాండ్గా మారిపోయింది. అలాంటి సందీప్ రెడ్డి వంగా వ్యక్తిగతంగా పవన్ కల్యాణ్కు వీరాభిమాని అన్న విషయం గతంలో ఆయన చేసిన పలు వ్యాఖ్యల ద్వారా స్పష్టమైంది. అయితే కొంతకాలంగా పవన్ విషయంలో ఆయన వైఖరిలో మార్పు కనిపిస్తోందని అభిమానులు గమనిస్తున్నారు.
గతంలో పవన్పై ప్రత్యేక అభిమానం:
సందీప్ రెడ్డి వంగా పలు సందర్భాల్లో తాను మెగాస్టార్ చిరంజీవి, పవర్ స్టార్ పవన్ కల్యాణ్కు పెద్ద అభిమానినని చెప్పుకొచ్చారు. ముఖ్యంగా పవన్ కల్యాణ్పై తనకున్న అభిమానాన్ని ఇంటర్వ్యూల్లో కూడా బహిరంగంగానే వ్యక్తం చేసేవారు.పవన్ కల్యాణ్ పుట్టినరోజు సందర్భంగా సందీప్ రెడ్డి వంగా గతంలో ప్రత్యేకంగా సోషల్ మీడియా పోస్టులు చేయడం కూడా అభిమానులను ఆకట్టుకునేది. పవన్పై ఆయనకున్న అభిమానం ఆ పోస్టుల్లో స్పష్టంగా కనిపించేదని ఫ్యాన్స్ చెబుతుంటారు.
రెండేళ్లుగా మారిన పరిస్థితి?:
అయితే గత రెండేళ్లుగా పవన్ కల్యాణ్ పుట్టినరోజు సందర్భంగా సందీప్ రెడ్డి వంగా(Sandeep Reddy) నుంచి ఎలాంటి ప్రత్యేక శుభాకాంక్షలు కనిపించకపోవడం ఇప్పుడు చర్చనీయాంశంగా మారింది. అంతేకాదు..2024లో జనసేన పార్టీ ఘన విజయం సాధించిన సమయంలో పవన్ కల్యాణ్ అభిమానులు, సినీ ప్రముఖులు సోషల్ మీడియా వేదికగా ఆయనకు అభినందనలు తెలిపారు. కానీ ఆ సమయంలో సందీప్ రెడ్డి వంగా నుంచి ఎలాంటి ప్రత్యేక పోస్టు రాకపోవడం కూడా అప్పట్లో కొందరి దృష్టిని ఆకర్షించింది.
also read:hyper aadi:జెన్జీ వర్సెస్ 90స్.. శ్రీదేవి డ్రామా కంపెనీ ప్రోమోలో ఫుల్ కామెడీ!
విజయ్కు విషెస్.. పవన్ ఫ్యాన్స్లో అసంతృప్తి:
తమిళ స్టార్ హీరో CM విజయ్ విజయాన్ని అందుకున్న సందర్భంగా సందీప్ రెడ్డి వంగా సోషల్ మీడియా వేదికగా స్పందించారు. విజయ్కు అభినందనలు తెలుపుతూ ఆయన చేసిన పోస్ట్లో భారీ ఎలివేషన్స్ ఉండటంతో పవన్ కల్యాణ్ అభిమానులు అసంతృప్తి వ్యక్తం చేశారు.పవన్ విషయంలో ఇలాంటి స్పందన ఎందుకు కనిపించడం లేదంటూ కొందరు నెటిజన్లు ప్రశ్నలు సంధించారు.
also read:Toxic:‘టాక్సిక్’తో రుక్మిణి వసంత్కు జాక్పాట్.. కెరీర్లోనే హైయెస్ట్ రెమ్యునరేషన్!?
మహేష్ బాబుకు స్పెషల్ బర్త్డే వీడియో:
ఇక తాజాగా మహేష్ బాబు పుట్టినరోజు సందర్భంగా సందీప్ రెడ్డి వంగా చేసిన ప్రత్యేక వీడియో మరోసారి ఈ చర్చకు కారణమైంది. ఆర్టిఫిషియల్ ఇంటెలిజెన్స్ సహాయంతో రూపొందించిన వీడియో ద్వారా మహేష్ బాబుకు ఆయన ప్రత్యేకంగా బర్త్డే విషెస్ తెలిపారు. అయితే ఇదే సమయంలో పవన్ కల్యాణ్ అభిమానులు మాత్రం మరోసారి సందీప్ రెడ్డి వంగాను ప్రశ్నించడం మొదలుపెట్టారు.
పవన్తో ఏమైనా విభేదాలా? :
మహేష్ బాబుకు ఇంత ప్రత్యేకంగా విషెస్ చెప్పిన సందీప్ రెడ్డి వంగా.. పవన్ కల్యాణ్కు మాత్రం గత కొంతకాలంగా బర్త్డే విషెస్ ఎందుకు చెప్పడం లేదనే ప్రశ్న ఇప్పుడు సోషల్ మీడియాలో వైరల్ అవుతోంది. అసలు పవన్ కల్యాణ్, సందీప్ రెడ్డి వంగా మధ్య ఏదైనా విభేదాలు వచ్చాయా? ఇద్దరి మధ్య ఏదైనా వ్యక్తిగత లేదా వృత్తిపరమైన సమస్య ఉందా? అనే చర్చ కూడా జరుగుతోంది.
సెప్టెంబర్ 2న ఏం జరుగుతుందో?:
ఇప్పుడు అందరి దృష్టి సెప్టెంబర్ 2పై ఉంది. పవన్ కల్యాణ్ పుట్టినరోజు సందర్భంగా ఈసారి అయినా సందీప్ రెడ్డి వంగా సోషల్ మీడియా ద్వారా విషెస్ చెబుతారా? అనేది ఆసక్తికరంగా మారింది.
