RGV:బాలీవుడ్ స్టార్ హీరో సల్మాన్ ఖాన్, గ్యాంగ్‌స్టర్ లారెన్స్ బిష్ణోయ్ మధ్య వివాదం మరోసారి చర్చనీయాంశంగా మారింది. దాదాపు 28 ఏళ్ల క్రితం రాజస్థాన్‌లో చోటుచేసుకున్న కృష్ణజింకల వేట ఘటనను ప్రస్తావిస్తూ ప్రముఖ దర్శకుడు రామ్ గోపాల్ వర్మ (RGV) చేసిన వ్యాఖ్యలు ఇప్పుడు సోషల్ మీడియాలో వైరల్ అవుతున్నాయి. తనదైన శైలిలో వ్యంగ్యాస్త్రాలు సంధించే ఆర్జీవీ.. ఈసారి బిష్ణోయ్ వయసును ప్రస్తావిస్తూ ఆసక్తికరమైన ప్రశ్నను లేవనెత్తారు.
1998 కృష్ణజింకల వేట ఘటనతో మొదలైన వివాదం :
1998లో ‘హమ్ సాత్ సాత్ హై’ సినిమా షూటింగ్ సమయంలో రాజస్థాన్‌లోని జోధ్‌పూర్ సమీపంలో కృష్ణజింకలను వేటాడినట్లు సల్మాన్ ఖాన్‌పై కేసు నమోదైంది. ఈ వ్యవహారం అప్పట్లో దేశవ్యాప్తంగా సంచలనం సృష్టించింది. కృష్ణజింకలను పవిత్రంగా భావించే బిష్ణోయ్ సమాజం ఈ ఘటనపై తీవ్ర అభ్యంతరం వ్యక్తం చేసింది. అప్పటి నుంచి ఈ కేసు, దాని చుట్టూ నెలకొన్న వివాదాలు తరచూ వార్తల్లో నిలుస్తూనే ఉన్నాయి.
also read:tollywood:టాలీవుడ్‌లో స్టార్ కమెడియన్ల హవా.. ఒక్క రోజు రెమ్యునరేషన్ ఎంతో తెలుసా?
సల్మాన్‌ను వెంటాడుతున్న బిష్ణోయ్ గ్యాంగ్ బెదిరింపులు :
మరోవైపు గ్యాంగ్‌స్టర్ లారెన్స్ బిష్ణోయ్ గ్యాంగ్ నుంచి సల్మాన్ ఖాన్‌కు గత కొన్నేళ్లుగా బెదిరింపులు వస్తున్నాయి. ఆయన నివాసం వద్ద కాల్పుల ఘటన కూడా తీవ్ర కలకలం రేపింది. సల్మాన్‌కు సన్నిహితుడైన మహారాష్ట్ర మాజీ మంత్రి బాబా సిద్ధిఖీ హత్యతో ఈ వ్యవహారం మరోసారి హాట్ టాపిక్‌గా మారింది. ఈ ఘటనకు సంబంధించి బిష్ణోయ్ గ్యాంగ్ పేరు తెరపైకి రావడంతో కృష్ణజింకల వేట వివాదం మళ్లీ చర్చకు వచ్చింది.
also read:surekha vani: మానసిక వేదనకు గురవుతున్న.. సురేఖ వాణి వీడియో వైరల్..!
బిష్ణోయ్ వయసుపై ఆర్జీవీ సెటైర్లు :
ఈ నేపథ్యంలో దర్శకుడు రామ్ గోపాల్ వర్మ( RGV) చేసిన వ్యాఖ్యలు నెట్టింట ఆసక్తికర చర్చకు దారితీశాయి. 1998లో సల్మాన్ ఖాన్ కృష్ణజింకలను వేటాడినట్లు ఆరోపణలు వచ్చిన సమయంలో లారెన్స్ బిష్ణోయ్ వయసు కేవలం తొమ్మిదేళ్లు మాత్రమే. ప్రస్తుతం అతడి వయసు 30 ఏళ్లకు పైగా ఉండటంతో ఈ అంశాన్ని ప్రస్తావిస్తూ ఆర్జీవీ వ్యంగ్యంగా స్పందించారు.
“తొమ్మిదేళ్ల వయసులోనే ఇదంతా అర్థమై, 25 ఏళ్ల తర్వాత పగ తీర్చుకోవడానికి వచ్చాడని ఎవరైనా నమ్మితే.. నేనేం చేయలేను” అనే అర్థం వచ్చేలా ఘాటుగా వ్యాఖ్యానించారు. చిన్న వయసులో జరిగిన ఘటనను ఇన్నేళ్ల తర్వాత కూడా వ్యక్తిగత కక్షగా కొనసాగించడం వెనుక ఉన్న కారణాలను ప్రశ్నించేలా ఆయన స్పందన ఉంది.
ఆర్జీవీ కామెంట్స్‌పై ఆసక్తికర చర్చ :
ఆర్జీవీ వ్యాఖ్యలతో సల్మాన్ ఖాన్, లారెన్స్ బిష్ణోయ్ వివాదం మరోసారి సోషల్ మీడియాలో ట్రెండింగ్‌లోకి వచ్చింది. కొందరు ఆయన వ్యంగ్యాన్ని సమర్థిస్తుండగా, మరికొందరు బిష్ణోయ్ సమాజం నమ్మకాలు, కృష్ణజింకల సంరక్షణకు ఉన్న ప్రాధాన్యతను గుర్తు చేస్తున్నారు. మొత్తానికి ఒక పాత వేట కేసుతో మొదలైన వివాదం ఇప్పుడు బాలీవుడ్‌తో పాటు దేశవ్యాప్తంగా చర్చకు దారితీస్తోంది.
