Suriya:కోలీవుడ్ స్టార్ హీరో సూర్య వరుస ప్రాజెక్టులతో బిజీగా ఉన్నారు. విభిన్న కథలను ఎంచుకుంటూ ప్రేక్షకులను అలరించేందుకు ప్రయత్నిస్తున్న ఆయన, ప్రస్తుతం ‘జై భీమ్’ ఫేమ్ దర్శకుడు టీజే జ్ఞానవేల్తో కలిసి తన తదుపరి సినిమా షూటింగ్లో పాల్గొంటున్నారు. ఈ సినిమా చిత్రీకరణ జపాన్లో జరుగుతున్నట్లు సమాచారం. ఇదిలా ఉండగా, సూర్య చేయబోయే మరో భారీ ప్రాజెక్టుకు సంబంధించి కోలీవుడ్, టాలీవుడ్ వర్గాల్లో ఆసక్తికరమైన వార్త చక్కర్లు కొడుతోంది. ఈ సినిమాలో టాలీవుడ్ మ్యాచో స్టార్ గోపీచంద్ ప్రతినాయకుడిగా కనిపించనున్నారనే ప్రచారం సినీ అభిమానుల్లో ఆసక్తిని పెంచుతోంది. ప్రెసెంట్ ఈ న్యూస్ సోషల్ మీడియాలో బాగా ట్రెండ్ అవుతుంది.
సూర్యతో ఢీకొట్టనున్న గోపీచంద్:
‘కెప్టెన్ మిల్లర్’, ‘సాని కాయిదం’ వంటి విభిన్న చిత్రాలతో గుర్తింపు తెచ్చుకున్న దర్శకుడు అరుణ్ మాతేశ్వరన్ దర్శకత్వంలో సూర్య ఓ భారీ యాక్షన్ డ్రామా చేయనున్నట్లు గతంలో వార్తలు వచ్చాయి. ఈ నేపథ్యంలోనే ఈ ప్రాజెక్టులో ప్రతినాయకుడి పాత్ర కోసం గోపీచంద్ను సంప్రదించినట్లు సినీ వర్గాల్లో ప్రచారం జరుగుతోంది. సూర్య కటౌట్ కి గోపీచంద్ విలన్ గా ఊహించుకుంటుంటేనే గూస్ బంప్స్ వచ్చేస్తూ ఉంటాయి. ఇక ఈ ఫీలింగ్ ఫ్యాన్స్ లో ఎలా ఉంటుందో అర్ధం చేసుకోవచ్చు.
ఒకవేళ ఈ వార్త నిజమైతే వెండితెరపై సూర్య(Suriya), గోపీచంద్ మధ్య ఆసక్తికరమైన పోరు చూడొచ్చు. ముఖ్యంగా అరుణ్ మాతేశ్వరన్ సినిమాల్లో కనిపించే రా అండ్ రస్టిక్ మేకింగ్కు గోపీచంద్ లాంటి యాక్షన్ హీరో ప్రతినాయకుడిగా తోడైతే సినిమా మరింత ప్రత్యేకంగా నిలిచే అవకాశం ఉంది.
also read:Ramya Krishnan:సినీ ఇండస్ట్రీలో క్యాస్టింగ్ కౌచ్పై రమ్యకృష్ణ షాకింగ్ కామెంట్స్!
విలన్గా గోపీచంద్కు ప్రత్యేక గుర్తింపు :
గోపీచంద్కు టాలీవుడ్లో యాక్షన్ హీరోగా మంచి క్రేజ్ ఉంది. అయితే ఆయన కెరీర్ ప్రారంభంలో ప్రతినాయకుడిగా నటించి ప్రేక్షకుల ప్రశంసలు అందుకున్నారు. ‘జయం’, ‘నిజం’, ‘వర్షం’ వంటి చిత్రాల్లో ఆయన పోషించిన విలన్ పాత్రలు ఇప్పటికీ ప్రేక్షకులకు గుర్తుండిపోయాయి. ఆ తర్వాత హీరోగా మారి ఎన్నో యాక్షన్ చిత్రాలతో తనకంటూ ప్రత్యేకమైన అభిమానులను సంపాదించుకున్నారు.
ఇప్పుడు మరోసారి ప్రతినాయకుడి పాత్రలో కనిపిస్తారనే వార్త ఆయన అభిమానుల్లో ఆసక్తిని రేకెత్తిస్తోంది. అది కూడా సూర్య వంటి స్టార్ హీరోకు ఎదురుగా నటించే అవకాశం రావడం విశేషంగా మారింది.
also read:Upasana:రెండో ప్రెగ్నెన్సీలో ఉపాసనకు ఇన్ని కష్టాలా.. కన్నీళ్లు పెట్టుకున్న మెగా కోడలు!
తమిళ ఇండస్ట్రీలోకి గోపీచంద్ ఎంట్రీ? :
మరోవైపు గోపీచంద్ ప్రస్తుతం ‘భరతవర్ష’ వంటి భారీ ప్రాజెక్టుతో బిజీగా ఉన్నారు. ఈ క్రమంలో సూర్య సినిమాలో నటించే అవకాశం వస్తే ఆయనకు తమిళ చిత్ర పరిశ్రమలోకి అడుగుపెట్టే అవకాశం లభిస్తుంది. అంతేకాకుండా దక్షిణాది ప్రేక్షకులకు మరింత చేరువయ్యేందుకు ఈ ప్రాజెక్టు ఉపయోగపడవచ్చు.
అయితే సూర్య సినిమాలో గోపీచంద్ నటిస్తున్నారనే వార్తపై చిత్రబృందం స్పష్టత ఇవ్వాల్సి ఉంది. అధికారిక ప్రకటన వచ్చే వరకు ఈ కాంబినేషన్ను కేవలం ప్రచారంగానే చూడాలి. నిజంగానే వీరిద్దరూ కలిసి నటిస్తే మాత్రం అభిమానులకు మంచి యాక్షన్ ట్రీట్ ఖాయమనే చెప్పాలి.




