Sharwanand:టాలీవుడ్‌లో విభిన్న కథలను ఎంచుకుంటూ తనకంటూ ప్రత్యేక గుర్తింపు తెచ్చుకున్న హీరో శర్వానంద్ ఇప్పుడు పీరియాడిక్ యాక్షన్ డ్రామాతో ప్రేక్షకుల ముందుకు రాబోతున్నారు. దర్శకుడు సంపత్ నంది తెరకెక్కిస్తున్న ‘భోగి’ సినిమాకు సంబంధించిన టీజర్ తాజాగా విడుదలైంది. టీజర్ ఆద్యంతం మాస్ ఎలిమెంట్స్‌తో పాటు 1960ల కాలం నాటి వాతావరణాన్ని ప్రతిబింబించే విజువల్స్‌తో ఆకట్టుకుంటోంది. సినిమా కథ, పాత్రల తీరు ఎలా ఉండబోతుందనే దానిపై టీజర్ ఆసక్తిని పెంచింది.
ఊరమాస్ లుక్‌లో శర్వానంద్ :
‘భోగి’లో శర్వానంద్ (Sharwanand)‘గంగ’ అనే పాత్రలో కనిపించనున్నారు. ఇప్పటివరకు కనిపించని రగ్డ్ అండ్ మాస్ లుక్‌లో ఆయనను దర్శకుడు సంపత్ నంది చూపించారు. తెలంగాణ యాసలో శర్వానంద్ చెప్పే పవర్‌ఫుల్ డైలాగులు టీజర్‌కు ప్రత్యేక ఆకర్షణగా నిలిచాయి. అదే సమయంలో యాక్షన్ సన్నివేశాల్లో ఆయన చూపించిన ఇంటెన్సిటీ సినిమాపై అంచనాలను పెంచుతోంది. గ్రామీణ నేపథ్యం, అప్పటి కాలానికి తగ్గ సెట్స్, కాస్ట్యూమ్స్, యాక్షన్ సన్నివేశాలు టీజర్‌లో ప్రధానంగా కనిపించాయి.
also read:Srushti :బిగ్ బాస్ నుంచి సృష్టి అవుట్.. నాలుగు వారాలకు ఎంత సంపాదించిందంటే?
1960ల తెలంగాణ నేపథ్యంలో కథ :
‘భోగి’ కథ 1960ల నాటి ఉత్తర తెలంగాణ–మహారాష్ట్ర సరిహద్దు ప్రాంతాల నేపథ్యంలో సాగనున్నట్లు టీజర్‌ను బట్టి తెలుస్తోంది. ‘బొగ్గుల గుట్ట’ అనే గ్రామంలో దొరల ఆధిపత్యం కొనసాగుతుంటుంది. గ్రామస్థులు వారి కింద బానిసల్లా పనిచేస్తూ జీవనం సాగిస్తుంటారు. తమకు ఎదురయ్యే అన్యాయాలను భరిస్తూ ఉండే సాధారణ ప్రజల జీవితాల్లోకి గంగ అనే వ్యక్తి ప్రవేశిస్తాడు.
also read:Aamani Actress:”అదే నా జీవితంలో చేసిన పెద్ద తప్పు”.. ఆమని సెన్సేషనల్ కామెంట్స్..!
బానిసత్వానికి వ్యతిరేకంగా పోరాటం :
దొరల పెత్తనాన్ని, అణచివేతను ప్రశ్నించే గంగ పాత్ర చుట్టూనే కథ సాగనున్నట్లు టీజర్‌ను బట్టి తెలుస్తోంది. గ్రామస్థుల్లో ధైర్యాన్ని నింపుతూ వారి హక్కుల కోసం పోరాటానికి ఆమె శ్రీకారం చుడుతుంది. స్వేచ్ఛ కోసం సామాన్యులు చేసే పోరాటాన్ని దర్శకుడు సంపత్ నంది ఆసక్తికరంగా తెరకెక్కించినట్లు టీజర్ చూస్తే అర్థమవుతోంది.
చెడు, అహింస, బానిసత్వంపై మంచి సాధించే విజయానికి ప్రతీకగా ‘భోగి’ అనే టైటిల్‌ను పెట్టినట్లు తెలుస్తోంది. సమాజంలో బలవంతులుగా చెలామణి అవుతున్న దొరలను ఎదిరించి, తమ హక్కులు, గౌరవం, స్వేచ్ఛ కోసం గ్రామస్థులు చేసే పోరాటమే ఈ కథలో ప్రధాన అంశంగా ఉండనున్నట్లు సమాచారం. శర్వానంద్ పాత్రలో కనిపించే మాస్ షేడ్స్ సినిమాపై ఆసక్తిని మరింత పెంచుతున్నాయి. టీజర్‌లోని యాక్షన్ సన్నివేశాలు, గ్రామీణ వాతావరణం కథకు మరింత బలాన్ని చేకూర్చేలా ఉన్నాయి.
భారీ అంచనాలు :
ఈ చిత్రానికి భీమ్స్ సిసిరోలియో సంగీతం అందిస్తున్నారు. అనుపమ పరమేశ్వరన్, డింపుల్ హయతి కథానాయికలుగా నటిస్తున్నారు. శ్రీ సత్యసాయి ఆర్ట్స్ బ్యానర్‌పై కెకె రాధామోహన్ ఈ సినిమాను నిర్మిస్తున్నారు. పీరియాడిక్ నేపథ్యంతో పాటు పక్కా మాస్ అంశాలను మేళవించిన ఈ చిత్రం ప్రేక్షకుల్లో ఆసక్తిని పెంచుతోంది. ‘భోగి’ నవంబర్ 12న థియేటర్లలో విడుదల కానుంది. త్వరలోనే సినిమా నుంచి మరిన్ని అప్‌డేట్స్ విడుదల కానున్నాయి.
