Allari Naresh:అల్లరి నరేష్కి కామెడీ సినిమాలు కొత్తేమీ కాదు. అయితే కొంతకాలంగా విభిన్న కథలను ఎంచుకుంటూ వస్తున్న ఆయన.. ఇప్పుడు మరోసారి తనకు బాగా కలిసొచ్చిన కామెడీ జానర్లోకి అడుగుపెట్టారు. అల్లరి నరేష్ హీరోగా చంద్రశేఖర్ చింతాడ దర్శకత్వంలో తెరకెక్కిన చిత్రం ‘రంభ ఊర్వశి మేనక’. సురభీ, రాశీ సింగ్, విష్ణుప్రియ భీమినేని, ప్రిషా సింగ్ కథానాయికలుగా నటించిన ఈ సినిమాలో వెన్నెల కిషోర్, నరేష్ వీకే, శ్రీనివాస రెడ్డి తదితరులు కీలక పాత్రలు పోషించారు. హాస్య మూవీస్, అన్నపూర్ణ స్టూడియోస్ బ్యానర్లపై రాజేష్ దండా, నిమ్మకాయల ప్రసాద్ నిర్మించారు.
సెప్టెంబర్ 4న ప్రేక్షకుల ముందుకు వచ్చిన ఈ సినిమాకు తొలి షోల నుంచే ప్రేక్షకుల నుంచి మిశ్రమంగా కాకుండా ఎక్కువగా పాజిటివ్ స్పందన కనిపిస్తోంది. ముఖ్యంగా కామెడీ సన్నివేశాలు, పంచ్ డైలాగ్స్ సినిమాకు ప్రధాన ఆకర్షణగా నిలిచాయని ప్రేక్షకుల అభిప్రాయాలు చెబుతున్నాయి.
కథ :
‘రంభ ఊర్వశి మేనక’ కథలో కామెడీ, వినోదానికి పెద్దపీట వేశారు. కథానాయకుడి జీవితంలో ఎదురయ్యే పరిస్థితులు, అతని చుట్టూ ఉన్న పాత్రలతో ఏర్పడే గందరగోళం, వాటి నుంచి పుట్టే హాస్య సన్నివేశాల చుట్టూనే కథనం సాగుతుంది. కథలోకి సీనియర్ నరేష్ పాత్ర ప్రవేశించిన తర్వాత వినోదం మరింత పెరుగుతుంది. ఆయన చేసే వింత ఇంగ్లీష్ అనువాదాలు, పంచ్ డైలాగ్స్ ప్రేక్షకులను నవ్వించేలా ఉన్నాయి. హీరోతో సీనియర్ నరేష్, శ్రీనివాస రెడ్డి కాంబినేషన్లో వచ్చే సన్నివేశాలు సినిమాకు మంచి కామెడీ ట్రాక్ను అందిస్తాయి.
మధ్యలో యముడి ఎంట్రీ, పుస్తకానికి సంబంధించిన సన్నివేశాలు, సింగిల్స్ గురించి వచ్చే మోనోలాగ్ వంటి ఎపిసోడ్స్ ప్రేక్షకులను ఆకట్టుకునేలా తెరకెక్కించారు. కథలో పెద్దగా సీరియస్నెస్ లేకుండా రెండున్నర గంటల పాటు నవ్వించడమే ప్రధాన లక్ష్యంగా దర్శకుడు కథను నడిపించినట్లు అనిపిస్తుంది.
also read:Shalini Pandey: బాత్రూం ఫోటోలతో హీట్ పుట్టించిన అర్జున్ రెడ్డి బ్యూటీ!
ఫస్టాఫ్ ఎలా ఉంది? :
సినిమా ఫస్టాఫ్ కామెడీ పరంగా బాగానే వర్కవుట్ అయింది. కథను పరిచయం చేస్తూనే పాత్రల మధ్య సరదా సన్నివేశాలను ఏర్పాటు చేయడంతో సినిమా వేగంగా ముందుకు సాగుతుంది. అల్లరి నరేష్ తనదైన కామెడీ టైమింగ్తో మెప్పించగా.. సీనియర్ నరేష్ వన్లైనర్స్ ప్రత్యేక ఆకర్షణగా నిలుస్తాయి. ముఖ్యంగా ఆయనకు సరిగ్గా రాని ఇంగ్లీష్ను తెలుగులోకి అనువదించే సన్నివేశాలు నవ్వులు పూయిస్తాయి. మల్లెపువ్వులను ‘రిపీట్ ఫ్లవర్స్’, చింత చెట్టును ‘వర్రీ ట్రీ’గా చెప్పడం వంటి పంచ్లు థియేటర్లలో నవ్వులు తెప్పించేలా ఉన్నాయి.
also read:Irumudi: ఇరుముడి2పై ఒక్క మాటతో క్లారిటీ ఇచ్చేసిన డైరెక్టర్..!
నటీనటుల పర్ ఫామెన్స్:
అల్లరి నరేష్:
కామెడీ సినిమాలకు అల్లరి నరేష్కు(Allari Naresh) ఉన్న టైమింగ్ మరోసారి కనిపిస్తుంది. తన బాడీ లాంగ్వేజ్, ఎక్స్ప్రెషన్స్, డైలాగ్ డెలివరీతో నవ్వులు పంచారు. పాత్రకు తగ్గట్టుగా ఈజ్తో నటించారు.
నరేష్ వీకే:
సీనియర్ నరేష్ పాత్ర సినిమాకు ప్రత్యేక ఆకర్షణ. ఆయన పంచ్ డైలాగ్స్, కామెడీ టైమింగ్ ప్రేక్షకులను బాగా ఎంటర్టైన్ చేస్తాయి. ముఖ్యంగా ఆయన మాట్లాడే ఇంగ్లీష్ పదాల తెలుగు అనువాదాలు మంచి హ్యూమర్ను పండించాయి.
వెన్నెల కిషోర్:
వెన్నెల కిషోర్కి పెద్దగా కొత్తగా అనిపించని పాత్ర అయినప్పటికీ తన మార్క్ కామెడీతో అలరించారు.
శ్రీనివాస రెడ్డి:
అల్లరి నరేష్, సీనియర్ నరేష్లతో కలిసి వచ్చే సన్నివేశాల్లో శ్రీనివాస రెడ్డి కామెడీ బాగా పేలింది.
హీరోయిన్లు:
సురభీ, రాశీ సింగ్, విష్ణుప్రియ భీమినేని, ప్రిషా సింగ్ తమ పరిధిలో చక్కగా నటించారు. కథలో తమ పాత్రలకు అవసరమైన మేరకు స్క్రీన్ ప్రెజెన్స్ అందించారు.
టెక్నికల్ టీమ్ :
దర్శకుడు చంద్రశేఖర్ చింతాడ సినిమాను పూర్తిస్థాయి కామెడీ ఎంటర్టైనర్గా తెరకెక్కించే ప్రయత్నం చేశారు. కథను మరీ క్లిష్టంగా మార్చకుండా ప్రేక్షకులను నవ్వించడంపైనే ఎక్కువ దృష్టి పెట్టారు. చైతన్ భరద్వాజ్ అందించిన సంగీతం సినిమాకు తగ్గట్టుగా ఉంది. కామెడీ సన్నివేశాలకు బ్యాక్గ్రౌండ్ స్కోర్ మంచి సపోర్ట్ ఇచ్చింది. నిర్మాణ విలువలు కూడా కథకు తగ్గట్టుగా ఉన్నాయి.
ప్లస్ పాయింట్స్ :
*అల్లరి నరేష్ కామెడీ టైమింగ్
*సీనియర్ నరేష్ పంచ్ డైలాగ్స్
*యముడి ఎపిసోడ్
*కొన్ని హిలేరియస్ కామెడీ సన్నివేశాలు
*కుటుంబంతో కలిసి చూడగలిగే క్లీన్ కామెడీ
*మంచి కామెడీ డైలాగ్స్
మైనస్ పాయింట్స్ :
*కథలో కొత్తదనం పెద్దగా అనిపించదు
*సెకండాఫ్లో కొన్ని చోట్ల వేగం తగ్గుతుంది
*కొన్ని కామెడీ సన్నివేశాలు ముందే ఊహించే విధంగా ఉంటాయి
*కథ కంటే కామెడీపైనే ఎక్కువ ఆధారపడటం కొందరికి మైనస్గా అనిపించవచ్చు
ఫైనల్గా:
‘రంభ ఊర్వశి మేనక’లో పెద్దగా కథా ప్రయోగాలు కనిపించకపోయినా.. ప్రేక్షకులను రెండు గంటల పాటు నవ్వించాలనే ఉద్దేశంతో తెరకెక్కించిన కామెడీ ఎంటర్టైనర్గా సినిమా ఆకట్టుకుంటుంది. ముఖ్యంగా అల్లరి నరేష్ కామెడీని ఇష్టపడేవారికి, కుటుంబంతో కలిసి లైట్హార్టెడ్ సినిమా చూడాలనుకునేవారికి ఇది మంచి ఆప్షన్.
పంచ్ లైన్: “కథలో కొత్తదనం కాస్త తగ్గినా.. కామెడీలో నవ్వులు మాత్రం తగ్గలేదు!”
