Celebrity Couples : సినిమా షూటింగ్ సమయంలో హీరోహీరోయిన్ల మధ్య స్నేహం పెరగడం సాధారణమే. నెలల తరబడి కలిసి పనిచేసే క్రమంలో ఒకరి ఆలోచనలు, అలవాట్లు మరొకరికి నచ్చి ఆ బంధం ప్రేమగా మారుతుంది. టాలీవుడ్‌లో ఇలా మొదలైన ఎన్నో ప్రేమకథలు పెళ్లి వరకు వెళ్లాయి. కొందరు నటీనటులు మాత్రమే కాకుండా దర్శకులు, నిర్మాతలు కూడా తమ వృత్తిలో భాగస్వాములైన వారినే జీవిత భాగస్వాములుగా ఎంచుకున్నారు.
విజయ్ దేవరకొండ – రష్మిక మందన్నా :
విజయ్ దేవరకొండ, రష్మిక మందన్నా జోడీకి టాలీవుడ్‌లో ప్రత్యేకమైన క్రేజ్ ఉంది. ‘గీత గోవిందం’, ‘డియర్ కామ్రేడ్’ చిత్రాలతో ఈ జంట ప్రేక్షకులను ఆకట్టుకుంది. కొంతకాలంగా వీరి బంధంపై వార్తలు వచ్చినప్పటికీ ఇద్దరూ పెద్దగా స్పందించలేదు. తాజాగా పెళ్లితో ఒక్కటైన ఈ జంట, మరోసారి ‘రణబాలి’తో ప్రేక్షకుల ముందుకు రానుంది.
also read:Celebrity Couples: సినీ ఇండస్ట్రీలో ప్రేమించి పెళ్లి చేసుకున్న సెలబ్రిటీ కపుల్స్ వీళ్లే!
కృష్ణ – విజయనిర్మల:
సూపర్‌స్టార్ కృష్ణ, విజయనిర్మల జంట తెలుగు సినీ చరిత్రలో ప్రత్యేక స్థానం సంపాదించుకుంది. వీరిద్దరూ వందకు పైగా చిత్రాల్లో కలిసి నటించారు. విజయనిర్మల నటిగానే కాకుండా దర్శకురాలిగానూ రాణించి గిన్నిస్ వరల్డ్ రికార్డుల్లో చోటు దక్కించుకున్నారు.
నాగార్జున – అమల :
నాగార్జున, అమల కలిసి ‘శివ’, ‘నిర్ణయం’, ‘ప్రేమ యుద్ధం’ వంటి చిత్రాల్లో నటించారు. వీరి ఆన్‌స్క్రీన్ కెమిస్ట్రీ అప్పట్లో ప్రేక్షకులను విశేషంగా ఆకట్టుకుంది. ఆ పరిచయం చివరకు వివాహ బంధంగా మారింది. ప్రస్తుతం నాగార్జున నటుడిగా, నిర్మాతగా కొనసాగుతుండగా, అమల సామాజిక సేవా కార్యక్రమాల్లో చురుకుగా ఉంటున్నారు.
also read:Vijay Deverakonda:రష్మిక- విజయ్ దేవరకొండ పెళ్లి కావడానికి కారణం అదేనా..?
రాజశేఖర్ – జీవిత:
రాజశేఖర్, జీవిత కలిసి ‘తలంబ్రాలు’, ‘అంకుశం’ వంటి చిత్రాల్లో నటించారు. షూటింగ్ సమయంలో ఏర్పడిన పరిచయం ప్రేమగా మారడంతో ఇద్దరూ వివాహం చేసుకున్నారు. అనంతరం జీవిత దర్శకత్వం, ఇతర రంగాల్లోనూ తనదైన గుర్తింపు తెచ్చుకున్నారు.
కృష్ణవంశీ – రమ్యకృష్ణ:
దర్శకుడు కృష్ణవంశీ, నటి రమ్యకృష్ణల పరిచయం ‘చంద్రలేఖ’ సమయంలో మరింత బలపడింది. దర్శకుడిగా కృష్ణవంశీ, నటిగా రమ్యకృష్ణ తమ తమ రంగాల్లో ప్రత్యేక గుర్తింపు తెచ్చుకున్నారు. వీరి వివాహం సినీ వర్గాల్లో అప్పట్లో ఆసక్తికరంగా మారింది.
శ్రీకాంత్ – ఊహ:
శ్రీకాంత్, ఊహ కలిసి ‘ఆమే’, ‘కూతురు’ వంటి చిత్రాల్లో నటించారు. స్నేహంగా మొదలైన వీరి పరిచయం ప్రేమగా మారి పెళ్లికి దారితీసింది. వివాహం తర్వాత ఊహ సినిమాలకు దూరంగా ఉండగా, శ్రీకాంత్ నటుడిగా కొనసాగుతున్నారు.
మహేశ్ బాబు – నమ్రత:
మహేశ్ బాబు, నమ్రత శిరోద్కర్ ‘వంశీ’ సినిమా సమయంలో ప్రేమలో పడ్డారు. ఆ తర్వాత పెళ్లి చేసుకున్న ఈ జంట ఇప్పటికీ టాలీవుడ్‌లో సక్సెస్‌ఫుల్ కపుల్‌గా నిలిచింది. నమ్రత మహేశ్ కెరీర్‌కు సంబంధించిన వ్యాపార, నిర్మాణ వ్యవహారాలను పర్యవేక్షిస్తున్నారు.
ik
రాజీవ్ కనకాల-సుమ, శివ బాలాజీ-మధుమిత, వరుణ్ సందేశ్-వితికా షేరు, నాగ్ అశ్విన్-ప్రియాంక దత్, వరుణ్ తేజ్-లావణ్య త్రిపాఠి, కిరణ్ అబ్బవరం-రహస్య గోరఖ్, నారా రోహిత్-సిరి లెల్లా వంటి జంటలు కూడా సినీ రంగంలో పరిచయమై జీవిత భాగస్వాములుగా మారారు.
ఇక ఇతర భాషల్లోనూ రిషి కపూర్-నీతూ కపూర్, అజయ్ దేవగణ్-కాజోల్, అభిషేక్ బచ్చన్-ఐశ్వర్య రాయ్, దీపికా పదుకొణె-రణ్‌వీర్ సింగ్, సూర్య-జ్యోతిక వంటి జంటలు నిజ జీవితంలోనే కాకుండా వెండితెరపైనా తమ కెమిస్ట్రీతో ప్రేక్షకులను ఆకట్టుకున్నారు.
