OTT Movies:ఈ వారం ఓటీటీ ప్రేక్షకులకు వినోదం మరింత పెరిగింది. సెప్టెంబర్ 18, శుక్రవారం ఒక్కరోజే ప్రముఖ ఓటీటీ ప్లాట్ఫామ్లలో ఏకంగా 20 కొత్త సినిమాలు, వెబ్ సిరీస్లు స్ట్రీమింగ్కు వచ్చాయి. ఇందులో తెలుగు ప్రేక్షకులను ఆకట్టుకునే పలు ఆసక్తికరమైన కంటెంట్ కూడా ఉండటం విశేషం. యాక్షన్, హారర్, రొమాన్స్, కామెడీ, క్రైమ్ థ్రిల్లర్, సైన్స్ ఫిక్షన్, ఫాంటసీ వంటి విభిన్న జానర్లలో సినిమాలు, సిరీస్లు అందుబాటులోకి వచ్చాయి. థియేటర్లలో ప్రేక్షకుల ఆదరణ పొందిన ‘ఇరుముడి’ కూడా తాజాగా ఓటీటీలోకి(OTT Movies) అడుగుపెట్టింది.
నెట్ఫ్లిక్స్లో 9 కొత్త కంటెంట్లు :
ఈ శుక్రవారం నెట్ఫ్లిక్స్లోనే తొమ్మిది కొత్త సినిమాలు, సిరీస్లు స్ట్రీమింగ్కు వచ్చాయి. అందులో తెలుగు ఫ్యామిలీ యాక్షన్ డ్రామా ‘ఇరుముడి’ ప్రధాన ఆకర్షణగా నిలుస్తోంది. అలాగే బోల్డ్ రొమాంటిక్ డ్రామాగా రూపొందిన హిందీ ఆంథాలజీ ‘లస్ట్ స్టోరీస్ 3’ తెలుగు డబ్బింగ్లోనూ అందుబాటులో ఉంది.
ఇవే కాకుండా టీన్ రొమాంటిక్ కామెడీ ‘మొదరాత్రి’, ‘బెస్ట్ ఆఫ్ ది బెస్ట్’, హాలీవుడ్ హారర్ మూవీ ‘సిన్నర్స్’, థాయ్ మిస్టరీ సిరీస్ ‘ది క్రౌ క్లబ్’, కొరియన్ డ్రామా ‘ది స్కాండల్’, క్రైమ్ థ్రిల్లర్ ‘మాన్స్టర్: ది లిజి బోర్డెన్ స్టోరీ’తో పాటు జాకీర్ ఖాన్ స్టాండప్ కామెడీ స్పెషల్ ‘పాపా యార్’ కూడా స్ట్రీమింగ్ అవుతున్నాయి.
also read:Vishal:షూటింగ్లో విశాల్కు గాయాలు.. అసలేం జరిగిందంటే?
ప్రైమ్ వీడియో, జియో హాట్స్టార్లోనూ సందడి :
అమెజాన్ ప్రైమ్ వీడియోలో తమిళ సైన్స్ ఫిక్షన్ రొమాంటిక్ కామెడీ ‘రామ్ అండ్ లీలా’ అందుబాటులోకి వచ్చింది. దీనితో పాటు ఇంగ్లీష్ అడల్ట్ రొమాంటిక్ డ్రామా ‘యూ ప్లస్ మీ: ఎగైనిస్ట్ ద వరల్డ్’, ‘గర్ల్స్ ఆఫ్ వార్సా’ డాక్యుమెంటరీ సిరీస్ కూడా స్ట్రీమింగ్ ప్రారంభించాయి.
జియో హాట్స్టార్లో మలయాళ సర్వైవల్ యాక్షన్ అడ్వెంచర్ డ్రామా ‘తుడక్కమ్’ తెలుగు డబ్బింగ్తో వచ్చింది. అలాగే క్రైమ్ థ్రిల్లర్ ‘మాబ్ల్యాండ్ సీజన్ 2’ కూడా ప్రేక్షకుల ముందుకు వచ్చింది.
also read:The Paradise: ది ప్యారడైజ్ సినిమా ప్రమోషన్స్లో కనిపించని కయాదు లోహార్..!
ఈటీవీ విన్, ఆహా తమిళ్లో ప్రత్యేక కంటెంట్ :
తెలుగు ఓటీటీ వేదిక ఈటీవీ విన్లో రొమాంటిక్ కామెడీ వెబ్ సిరీస్ ‘లీస్ట్ ఎలిజబుల్ బ్యాచిలర్’ స్ట్రీమింగ్ మొదలైంది. ఆహా తమిళ్లో బోల్డ్ హారర్ థ్రిల్లర్ ‘ఇరుట్టరై’ అందుబాటులోకి వచ్చింది.
ఇక సన్ నెక్స్ట్లో తమిళ స్పోర్ట్స్ డ్రామా ‘అంగీకారం’ స్ట్రీమింగ్కు అందుబాటులోకి వచ్చింది. మరోవైపు లయన్స్గేట్ ప్లే వేదికగా ఇంగ్లీష్ పొలిటికల్ థ్రిల్లర్ ‘అపోలో హ్యాస్ ఫాలెన్’ కూడా డిజిటల్ ప్రీమియర్ జరుపుకుంది. ఇలా ఈ వారం ఓటీటీ ప్లాట్ఫామ్లలో కొత్త సినిమాలు, వెబ్ సిరీస్లు పెద్ద సంఖ్యలో ప్రేక్షకులను అలరించేందుకు సిద్ధమయ్యాయి. ముఖ్యంగా వివిధ జానర్లకు చెందిన కంటెంట్ అందుబాటులోకి రావడంతో సినిమా, సిరీస్ ప్రియులకు ఈ వీకెండ్ వినోదం మరింత పెరగనుంది. కొత్త కథలు, ఆసక్తికరమైన కథనాలతో ప్రేక్షకులకు మంచి ఆప్షన్లు లభిస్తున్నాయి. దీంతో ఇంట్లోనే ఫ్యామిలీతో కలిసి ఎంజాయ్ చేసేందుకు చక్కని కంటెంట్ సిద్ధంగా ఉంది.
